Y newyddion diweddaraf am bresenoldeb yr heddlu ym Mhorthmadog

Mae dau o bobl wedi cael eu harestio yn dilyn digwyddiad ym Mhorthmadog.

Aeth swyddogion i ardal Greenacres toc wedi 7pm ar ddydd Sadwrn 10 Awst yn dilyn pryderon a godwyd am ddau blentyn yn eu harddegau hefo arfau ar faes carafanau.

Yn dilyn chwiliadau gan swyddogion arbenigol, atafaelwyd dau ddryll tanio ffug a chyllell.

Cafodd unigolyn 18 oed ac unigolyn 14 oed eu harestio wedyn.

Dywedodd yr Arolygydd Ardal Iwan Jones: "Diolch i'r rhai a adroddodd eu pryderon ac a helpodd ni ddod o hyd i'r unigolion o dan sylw yn gyflym.

"Mae ein hymholiadau'n parhau. Dwi'n dymuno tawelu meddwl y gymuned does dim bygythiadau ehangach i'r gymuned."

Os oes gynnoch chi wybodaeth am arfau yn eich ardal chi, rhowch wybod i'r heddlu drwy ein gwefan ni, drwy ffonio 101, neu'n ddienw drwy Crimestoppers.