Apêl o'r newydd am ddyn Wrecsam goll

 

Rydym yn parhau i apelio am wybodaeth am ddyn 62 oed o Wrecsam ar ôl iddo  ddiflannu bron i fis yn ôl.

Cafodd Anthony ei weld y tro olaf gamerâu  cylch cyfyng ddydd Gwener, 5 Gorffenna yn ardal Y Waun.

Roedd yn cerdded ar hyd lôn tuag at y Marina i gyfeiriad Whitehurst rhwng 4.30pm a 4.45pm.

Roedd yn gwisgo crys-t gwyn gyda siaced lliw tywyll, trowsus tywyll ac yn cario bag siopa.

Er gwaethaf chwiliadau arbenigol rhwng ardal y Waun ac Acrefair  ar ôl iddo ddiflannu nid yw wedi ei ddarganfod.

Disgrifir Anthony i fod tua 5 troedfedd a 10 modfedd, o faint corfforol mawr, gyda gwallt llwyd byr a mwstas.

Cafodd ei eiddo ei ddarganfod ger camlas y Waun ddydd Sul, 7 Gorffennaf.

Dywedodd Ditectif Brif Arolygydd Dean Jones: "Mae ein meddyliau yn parhau gyda theulu Anthony ar yr adeg anodd yma.

"Rydym yn parhau i ddilyn trywydd ymchwilio i helpu i ddod o hyd iddo a diolch i'r cyhoedd am eu cymorth gyda'n hymchwiliad hyd yn hyn.

"Mae unrhyw wybodaeth yn ddefnyddiol, ac rwy'n annog unrhyw un a allai fod wedi ei weld ar ôl 5 Gorffennaf i gysylltu â ni."

I wneud adroddiad, gallwch gysylltu â ni drwy ein gwefan, neu drwy ffonio 101, gan ddefnyddio'r cyfeirnod 47761.