Carchar i ddyn am falu sgriniau gwynt cerbydau
Cynnwys y prif erthygl
Mae dyn 41 oed a wnaeth dorri sgriniau gwynt pum car heddlu wedi cael ei garcharu.
Ymddangosodd Stephen McCouid, sydd heb gartref sefydlog ond sy’n wreiddiol o ardal Lerpwl, yn Llys Ynadon Llandudno heddiw sef 14 Awst.
Plediodd yn euog i bum cyhuddiad o ddifrod troseddol.
Yn ystod nos Lun, 12 Awst chwalodd McCouid sgriniau gwynt pum car heddlu y tu allan i orsaf heddlu Caernarfon.
Cafodd ei garcharu am 10 wythnos.
Dywedodd Arolygydd Ardal Gogledd Gwynedd Ian Roberts: “Nid oes modd dirnad y weithred ddinistriol hon yn erbyn cerbydau’r gwasanaethau brys.
“Mae’r cerbydau allan o wasanaeth o hyd ac yn cael eu trwsio.
“Yn ffodus, roedd modd ymateb i argyfwng o hyd yn ystod cyfnod y gwyliau ysgol ond mi allai hyn fod wedi bod yn wahanol iawn.”