Plentyn yn yr ysbyty wedi ymosodiad gan gi yng Nghaernarfon
Cynnwys y prif erthygl
Mae plentyn wedi'i gludo i'r ysbyty hefo anafiadau difrifol ar ôl ymosodiad gan gi.
Cafodd y gwasanaethau brys eu galw i ardal North Penrallt, Caernarfon ar ddydd Sul 11 Awst.
Cafodd plentyn wyth oed ei gludo i ysbyty Alder Hey hefo anafiadau sydd am newid ei fywyd ac mae'n parhau yn yr ysbyty ar hyn o bryd.
Mae dyn 44 oed wedi cael ei arestio ar amheuaeth o fod yn berchen ar gi allan o reolaeth a pheryglus a achosodd anaf difrifol.
Cafodd y ci o dan sylw ei ddinistrio'n drugarog. Nidydy'r brid wedi cael ei gadarnhau eto.
Dywedodd y Ditectif Arolygydd Richard Griffith: "Mae'r digwyddiad hwn yn ddealladwy wedi achosi pryder yn y gymuned leol a bydd mwy o bresenoldeb gan yr heddlu yn yr ardal at ddibenion tawelu meddwl.
"Mae ein hymchwiliadau'n parhau. Dwi'n apelio ar unrhyw un a welodd neu a allai fod â lluniau o'r digwyddiad gysylltu hefo'r heddlu.
"'Da ni'n parhau helpu teulu'r plentyn yn ystod y cyfnod trawmatig hwn a 'da ni'n gofyn i chi barchu eu preifatrwydd nhw."
Gofynnir i unrhyw un sydd hefo gwybodaeth am y digwyddiad hwn gysylltu hefo'r heddlu drwy'n gwefan ni neu drwy ffonio 101 gan ddyfynnu cyfeirnod Q119639.