Apêl am dystion fel rhan ymchwiliad i ymgais i ladrata ym Mhrestatyn
Cynnwys y prif erthygl
‘Rydym yn apelio am dystion fel rhan ymchwiliad i ymgais i ladrata ym Mhrestatyn ddoe.
Ymatebodd swyddogion i ddigwyddiad ar Gas Works Lane am 7.13pm ar ddydd Mawrth, Mawrth 19 ar ôl adroddiad fod dyn wedi ei anafu ar ôl gwrthdrawiad efo tri person ifanc. Aeth y dyn i’r ysbyty.
Cafodd un person ei arestio mewn cysylltiad â’r digwyddiad.
Dywedodd Ditectif Arolygydd Kris Williams: “’Rydym yn deall fod tri dyn ifanc yn rhan o’r digwyddiad. Mae un dan amheuaeth wedi ei arestio ac yn cael ei gyfweld gan swyddogion ar hyn o bryd.
“Mae gen i ddiddordeb siarad efo unrhyw un oedd yn ardal Gas Works Lane unrhyw bryd rhwng 6.30pm a 7.15pm ar ddydd Mawrth, Mawrth 19, neu unrhyw un sydd â gwybodaeth a fuasai’n ein helpu efo’n ymchwiliad, i gysylltu efo ni cyn gynted â phosib.
“’Rydym yn cynnal presenoldeb uwch yn yr ardal heddiw er mwyn tawelu meddwl.”
Os oes gennych wybodaeth cysylltwch â ni drwy ffonio 101, neu drwy’r wefan, gan ddefnyddio’r cyfeirnod 24000268914.
Gallwch hefyd ffonio’r elusen annibynnol CrimeStoppers yn anhysbys.