Gwirfoddolwyr yn cael eu dathlu yng ngwobrau cymunedol blynyddol Uchel Siryf Clywd

Cafodd Gwobrau Cymunedol Blynyddol Uchel Siryf Clwyd eu cynnal ar ddydd Sadwrn 9 Mawrth ym Mryncunallt, y Waun – cartref Kate Hill-Trevor, yr Uchel Siryf ar hyn o bryd.

Cafodd y rhai a gafodd wahoddiad i ddod eu henwebu gan bobl eraill yn y gymuned. Roedd yr Uchel Siryf wrth ei bodd yn cael eu cydnabod a diolch iddynt yn bersonol am eu hymroddiad i'r sector gwirfoddol a'u cymunedau lleol. 

Dywedodd Kate Hill-Trevor: "Mae bod yn Uchel Siryf yn fraint aruthrol sydd wedi rhoi'r cyfle i mi ddysgu am y prosiectau ysbrydoledig sy'n digwydd yma yng Ngogledd Cymru a chyfarfod hefo pobl anhygoel.  Mae gwirfoddolwyr ar waith yng nghalon bob cymuned yn y DU. Mae miliynau o bobl sy'n rhoi o'u hamser a'u sgiliau i elusennau a phrosiectau cymunedol yn rhan hanfodol o'r byd heddiw. 

Serch hynny, mae'r gwaith hwn yn aml yn anweledig ac yn ddi-glod. Mae'r gwobrau hyn yn rhoi'r cyfle cydnabod nifer fach o wirfoddolwyr a sefydliadau sy'n gweithio'n ddiflino o fewn Clwyd yn gwneud gwahaniaeth i'r bobl o'u hamgylch nhw."

Fe wnaeth yr Uchel Siryf hefyd groesawu enillwyr Prosiect y Flwyddyn Trechu Trosedd Gogledd Cymru yng Nghlwyd. Clwb Bocsio Amatur Ieuenctid Y Rhyl – wedi'u dewis er mwyn cydnabod y gwaith rhagorol gafodd ei wneud gan y clwb er mwyn helpu pobl ifanc yn y Rhyl. Fe wnaeth gyflwyno tlws gwydr i'r Prif Hyfforddwr – Dan Andrews, A-J Hughes sef un o'r bocswyr ifanc a PC Simon Keeting o Heddlu Gogledd Cymru sydd hefyd yn Hyfforddwr gwirfoddol yn y Clwb.

Fe ddywedodd: "Mae Trechu Trosedd yn helpu prosiectau sy'n helpu cadw pobl ifanc rhag helynt, helpu dioddefwyr trosedd, creu diddordeb mewn gwaith gwirfoddol, gwella presenoldeb yn yr ysgol ac ymddygiad a gwella bywydau pawb yn y gymuned. Mae enillwyr eleni yn glwb nid er elw sy'n rhoi hyfforddiant bocsio i bobl ifanc o bob cefndir cymdeithasol ynghyd â rhai hefo anableddau a sawl ceisiwr lloches o Wcráin. Maen nhw'n creu cyfeillgarwch, parch a help rhwng cenedlaethau gwahanol a hefo'r heddlu, gan helpu hefo cydlyniad cymdeithasol a gostyngiad mewn problemau ymddygiad gwrthgymdeithasol yn yr ardal. Maen nhw'n esiampl hyfryd o'r math o brosiect mae Trechu Trosedd yn ei helpu."

Mae enwebiadau ar gyfer y Gwobrau Cymunedol yn cael eu ceisio bob blwyddyn, hefo 2 unigolyn ac un grŵp yn cael eu dewis o bob un o'r pedair ardal (siroedd Conwy, Dinbych, y Fflint a Wrecsam) sy’n ffurfio Clwyd sydd rŵan yn sir warchodedig seremonïol.

Roedd yr Uchel Siryf wrth ei bod o gael nifer sylweddol o enwebiadau gan ystod eang o bobl a sefydliadau. Dywedodd: “Mae hyn yn adlewyrchiad hyfryd o gryfder y sector gwirfoddol yma yng Ngogledd Cymru, ond mae'n ei gwneud hi'n anodd iawn i'r panel ddewis yr enillwyr."

Cyflwynwyd y gwobrau ym mhresenoldeb yr Arglwydd-Raglaw Henry Fetherstonhaugh OBE FRAgs; yr Uwcharolygydd Jon Bowcott; Mark Owen MBE, Prif Swyddog yr Heddlu Gwirfoddol; Ashley Rogers, Cadeirydd PACT (Ymddiriedolaeth yr Heddlu a'r Gymuned); Mrs Sarah Noton, Is Siryf Clwyd, o Gyfreithwyr Swayne Johnson; cyn Uchel Siryfion; y Prif Swyddogion; a chynrychiolwyr o bedwar Cyngor Gwirfoddol yr ardal a gwesteion dethol.

 

Mae enillwyr bob ardal fel a ganlyn:

CONWY

Jenny a Hughie Fitzpatrick I gydnabod eu gwaith yn helpu cymunedau Bae Cinmel.

Ann Vaughan I gydnabod ei hymroddiad i gefnogi cymunedau Bro Cernyw.

Incredible Edible Colwyn I gydnabod eu gwaith yn sefydlu sawl gardd fwytadwy gymunedol ym Mae Colwyn.  

 

SIR DDINBYCH

Nerys Haf Biddulph I gydnabod ei gwaith yn cynorthwyo cymunedau ceiswyr lloches yn y Rhyl a Phrestatyn. 

Malcolm Wilkinson I gydnabod ei waith hefo Cyfeillion y Ffrith a grwpiau cymunedol ym Mhrestatyn a Galltmelyd. 

Gweithdy Dinbych I gydnabod eu rhaglen ysgol haf yn gweithio hefo pobl ifanc o dan anfantais.

 

SIR Y FFLINT

Stephen Jones I gydnabod ei waith yn helpu a hyrwyddo chwaraeon anabl yn Sir y Fflint a thu hwnt.

Daniel Reynolds I gydnabod dros 15 mlynedd o wirfoddoli er mwyn helpu pobl ifanc Sgowtiaid 1af Mynydd Isa.

RainbowBiz CIC I gydnabod eu gwaith yn hyrwyddo amrywiaeth mewn cymunedau ar draws Sir y Fflint.

 

WRECSAM 

Caroline Richards I gydnabod ei gwaith yn trawsnewid bywydau pobl ifanc drwy gerddoriaeth. 

Hywel Williams I gydnabod dros 15 mlynedd o wirfoddoli er mwyn helpu Apêl Pabi Coch y Lleng Brydeinig Frenhinol. 

Grŵp Cinio a Chaffi Merffordd a Gresffordd I gydnabod mwy o'u gwaith ymroddedig er mwyn helpu pobl hŷn yn eu cymunedau.

 

Rhoddwyd Gwobrau Arbennig yr Uchel Siryf i:

Anna Buckley I gydnabod ei gwaith diflino'n helpu ceiswyr lloches a dioddefwyr y rhyfel yn Wcráin.

Sion Edwards a Nicholas James I gydnabod eu gwaith ysbrydoledig hefo pobl ifanc ym Mhrosiect Cynnwys Ieuenctid The Venture.

Dylanwadwyr Ifanc AVOW I gydnabod eu gwaith yn helpu pobl ifanc Wrecsam.

Rhoddwyd Gwobrau Personol yr Uchel Siryf i:

Cadetiaid Gwirfoddol yr Heddlu – Brooke Blake-Hains a Steffan Lea

⁠I gydnabod eu brwdfrydedd a'u hymroddiad nhw fel Cadetiaid yr Uchel Siryf ac am fod yn aelodau gwerthfawr Pwyllgor Trechu Trosedd Clwyd.

⁠ I gydnabod eu gwaith yn datblygu rhaglenni er mwyn ysbrydoli a helpu pobl ifanc leol.

Sefydliad y DPJ I gydnabod eu gwaith o ran iechyd meddwl mewn cymunedau cefn gwlad, yn helpu'r bobl hynny hefo problemau, yn codi ymwybyddiaeth ac yn rhoi hyfforddiant o fewn y sector amaethyddol.

Theatr Clwyd I gydnabod eu gwaith nhw hefo'r rhaglen addysg trosedd Cyfiawnder mewn Diwrnod a phrosiectau lluosog sy'n elwa'r gymuned leol.

Cylch Cyfeillion Ysbyty'r Waun I gydnabod eu codi pres parhaus a'u gwelliannau mewn offer a gwasanaethau ar gyfer ysbyty cymunedol a nyrsys y Waun.

 

Ymddiriedolaeth Gymunedol CCPD Wrecsam I gydnabod prosiectau cymunedol a gwaith cydlyniad cymdeithasol y Clwb.

Cadét Gwirfoddol Heddlu Gogledd Cymru Arweinwyr I gydnabod y gwaith gwirfoddol a roddwyd er mwyn helpu ac ysbrydoli Cadetiaid Gwirfoddol yr Heddlu.

Tîm Gwirfoddolwyr Gogledd Ddwyrain Cymru'r Cynllun Gerddi Cenedlaethol I gydnabod eu gwaith yn helpu agor nifer o erddi'r Cynllun ar draws yr ardal bob blwyddyn, gan godi symiau sylweddol i elusennau lluosog 

Codwyr Sbwriel Wrecsam I gydnabod eu hymroddiad i gadw pobl leol yn rhydd o sbwriel a chreu ysbryd cymunedol cryfach.

 

Fe wnaeth yr Uchel Siryf ddarfod drwy ddiolch i'r Prif Swyddog sef Dawn Roberts-McCabe a Ken Rowlands o Gyngor Gwirfoddol Sirol Wrecsam a wnaeth hwyluso'r broses enwebu eleni. Fe wnaeth hefyd ddiolch yn fawr i Heddlu Gogledd Cymru, PACT a Threchu Trosedd Gogledd Cymru am eu hymgysylltu diddiwedd hefo Uchel Siryfion Clwyd a Gwynedd.

Dechreuodd cyfnod Mrs Hill-Trevor fel Uchel Siryf Clwyd ym mis Ebrill 2023 a bydd yn darfod yn fuan gan fod y swydd ond am flwyddyn. Mae seremoni'r Gwobrau Cymunedol yn un o uchafbwyntiau blwyddyn yr Uchel Siryf. Dywedodd Mrs Hill-Trevor: "Mae Clwyd yn falch iawn o gael sector gwirfoddol mor gryf ac egnïol.  Dwi'n sicr wedi cael fy ysbrydoli gan bawb dwi wedi cyfarfod yn ystod fy mlwyddyn yn y swydd.

Dwi'n gobeithio bydd y gwobrau hyn hefyd yn annog mwy o bobl roi cynnig ar wirfoddoli. Mae cyfle gwirfoddol gwirioneddol yno i bawb. Gallwn wneud gwahaniaeth hefo'n gilydd."

Yn dilyn y gwobrau, fe wnaeth gwesteion fwynhau te prynhawn a'r cyfle i rannu straeon am eu teithiau gwirfoddoli yn lleoliad hanesyddol Bryncunallt.