Lleidr siopau toreithiog o Sir y Fflint wedi ei garcharu
Cynnwys y prif erthygl
Mae lleidr siopau toreithiog o Sir y Fflint wedi cael ei garcharu.
Ymddangosodd Mark Gibbins, o Alyn Meadow, yr Wyddgrug, ger bron Llys Ynadon Wrecsam, ar ddydd Mercher, 20 Mawrth, wedi'i gyhuddo o ladrata a gweithredu yn erbyn y drefn gyhoeddus.
Cafodd y dyn 46 oed ei garcharu am un flwyddyn.
Ar ddydd Calan, fe aeth Gibbins i Spar yng Nghaergwrle, Sir y Fflint a dwyn gwerth £80 o dabledi golchi, bwyd ac alcohol.
Bythefnos wedyn, ar 23 Ionawr, aeth i Iceland yn yr Wyddgrug a dechrau bod yn sarhaus tuag at staff ac fe wnaeth wrthod gadael y siop.
Cafodd y ddwy drosedd eu cyflawni tra roedd ar ddedfryd wedi'i gohirio.
Dywedodd y Rhingyll Kerry Nash: "Mae Gibbins wedi achosi galw sylweddol yn ne Sir y Fflint dros y misoedd diwethaf, yn dwyn o siopau sawl gwaith.
"Nid ydy dwyn o siopau yn drosedd heb ddioddefwyr. Fe wnawn ni barhau ymlid y rhai hynny sy'n achosi'r galw mwyaf yn ein cymuned ni.
"'Da ni'n croesawu'r ddedfryd gan y llysoedd, sy'n anfon neges glir nad ydy'r math hwn o droseddu yn annerbyniol. Fe wnawn ni barhau dal troseddwyr a'u rhoi nhw o flaen eu gwell."