Carchar i droseddwr o Gaergybi am ymosod ar yr Heddlu
Cynnwys y prif erthygl
Mae dyn o Gaergybi wedi cael ei garcharu ar ôl ymosod ar ddau swyddog heddlu.
Ymddangosodd Brian George Owens o Ffordd Min y Môr, Caergybi yn Llys y Goron, Caernarfon ar 8 Mawrth ar ôl cyfaddef ei fod wedi ymosod ar ddau swyddog a thorri ei Orchymyn Ymddygiad Troseddol (CBO).
Cafodd y dyn 33 oed ei garcharu am 12 mis a'i Orchymyn ei ymestyn tan 2029.
Digwyddodd yr ymosodiad tua 09.30pm yng Nghaergybi ar 12 Chwefror pan welodd swyddogion, a oedd yn gyrru drwy Stryd Stanley Owens yn eistedd mewn sêt set flaen tacsi. Roedd Owens yn eisiau gan yr heddlu ar y pryd.
Stopiodd y swyddogion y tacsi gan ofyn i Owens ddod allan ond ciciodd un o'r swyddogion yn ei frest a rhedeg i ffwrdd.
Yn dilyn ei erlid, cafodd ei ddal yn ceisio dringo wal. Pan wnaeth y swyddogion geisio ei atal rhag mynd ymhellach, tarodd swyddog arall yn ei wyneb.
Dywedodd PC Greg Horsman: “Mae Owens yn droseddwr parhaus yn y gymuned ac rydym yn croesawu'r ddedfryd er mwyn dangos na fyddwn yn goddef ymddygiad o'r fath."