Carcharu dyn wnaeth ymosod ar ei wraig wrth iddi gysgu

 

Mae dyn 65 oed wnaeth ymosod ar ei wraig wrth iddi gysgu wedi cael ei garcharu.

Ymddangosodd Robert Pinnington, o Gwynfryn, Y Fron, Caernarfon, ger bron Llys y Goron Caernarfon ar ddydd Gwener 22 Mawrth, ar ôl pledio'n euog i ymosod gan achosi niwed corfforol gwirioneddol, tagu bwriadol a bygythiadau i ladd.

Cafodd ei garcharu am dair blynedd ac fe dderbyniodd orchymyn atal yn erbyn ei wraig am 15 mlynedd.

Ar 1 Tachwedd llynedd, roedd gwraig Pinnington yn cysgu yn y gwely pan wnaeth frathu ei gwefus waelod, gan achosi i'w cheg lenwi hefo gwaed cyn ei thagu hi a bygwth ei lladd hi.

Yn y diwedd, fe wnaeth hi lwyddo dianc ar ôl gweiddi ar ei merch am help. 

Dywedodd y Ditectif Gwnstabl Jamie Atkinson: "Roedd hwn yn ymosodiad hynod dreisgar a direswm a fydd yn parhau cael effaith sylweddol ar y dioddefwr a'i theulu hi.

"Dwi'n gobeithio bydd y canlyniad hwn yn rhoi tawelwch meddwl fod cyfiawnder wedi cael ei gyflawni.

"'Da ni'n parhau mynd ati nodi troseddwyr trais domestig a byddwn yn ymchwilio unrhyw adroddiad yn llawn.

"Os 'da chi'n 'nabod rhywun sy'n dioddef trais domestig ac yn gallu cael y dewrder i ddod ymlaen, cysylltwch hefo ni neu siarad hefo Byw Heb Ofn. 

“Fe wnawn ni wrando a gwneud popeth yn ein gallu ni er mwyn eich helpu chi."

Mae Ymgyrch Unite yn ymateb Heddlu Gogledd Cymru i ymdrin â thrais yn erbyn merched a genethod.  Ceir mwy o wybodaeth ar: Ymgyrch Unite | Heddlu Gogledd Cymru