Gwahardd cyn swyddog rhag plismona ar ôl gwrandawiad camymddwyn
Cynnwys y prif erthygl
Roedd cyn swyddog heddlu a blediodd yn euog i dri achos o ymosod yn rhywiol ar 8 Chwefror 2024 yn Llys y Goron Caer, yn destun Gwrandawiad Camymddwyn yr Heddlu ym Mhencadlys yr Heddlu ym Mae Colwyn heddiw.
Canfuwyd fod Joseph Robinson wedi torri'r Safonau Ymddygiad Proffesiynol o ran Ymddygiad Cywilyddus. Bydd yn cael ei roi ar y 'Rhestr Pobl Waharddedig', sy'n golygu na fydd yn gallu gwasanaethu fel swyddog heddlu ar unrhyw adeg yn y dyfodol.
Wrth siarad ar ôl y gwrandawiad camymddwyn heddiw, dywedodd y Prif Gwnstabl Amanda Blakeman KPM: "Ers dechrau fy rôl fel Prif Gwnstabl, dwi wedi bod yn ofnadwy o glir fod rhai i'm holl swyddogion a staff ymddwyn i'r safonau uchaf y mae gan y cyhoedd hawl i'w disgwyl.
"Roedd ymddygiad Robinson y noson honno'n gwbl annerbyniol ac yn anghydnaws hefo'i rôl, sef ymroi gwarchod cymunedau Gogledd Cymru.
"Mae trais yn erbyn merched a genethod yn ganolbwynt cenedlaethol i blismona. Does dim lle i ymddygiad Robinson yn ein cymdeithas ni ac yn sicr ddim yn Heddlu Gogledd Cymru.
"Fel Arweinydd Heddlu Cymru Gyfan dros Drais yn Erbyn Merched a Genethod, dydw i ddim yn goddef unrhyw un yn ein cymdeithas ni sy'n troseddu fel hyn. Mae bod yn swyddog yng Ngogledd Cymru yn fraint ac yn gyfrifoldeb. Gall y swyddogion a staff sy'n troseddu fel hyn ddisgwyl y gosb fwyaf difrifol."