Mae cefnogwr pêl-droed yn cael ei gyhuddo ar ôl taflu declyn pyro ar gae
Cynnwys y prif erthygl
Mae dyn 29 oed wedi cael ei gyhuddo ar ôl i declyn pyrotechnegol wedi'i oleuo gael ei daflu ar y cae mewn gêm i ffwrdd CPDC Wrecsam yn ddiweddar.
Digwyddodd hyn yn ystod gêm yng Nghynghrair Dau rhwng MK Dons a Wrecsam ar ddydd Mawrth, 20 Chwefror.
Cafodd Adam Edwards, o Ffordd Llys Newydd, Wrecsam ei arestio yn ystod y gem yn dilyn gweld CCC o'r digwyddiad.
Cafodd ei gyhuddo wedyn o ddwy drosedd o dan Ddeddf Digwyddiadau Chwaraeon 1985 a bydd yn ymddangos ger bron y llys yn hwyrach y mis hwn.
Dywedodd Dave Evans, Swyddog Penodol ar gyfer Pêl-droed Heddlu Gogledd Cymru: "Mae'n ymddangos fod camsyniad ymysg rhai cefnogwyr nad ydy defnyddio'r eitemau hyn yn beryglus, ond dydy hynny ddim yn wir.
"Mae pyrotechnoleg yn beryglus iawn ac yn peri perygl o anaf difrifol i'r rhai hynny sy'n eu tanio nhw a'r bobl o'u hamgylch nhw, gan gynnwys, yn yr achos hwn, y chwaraeon a oedd ar y cae.
"Ar unrhyw lefel pêl droed, mae defnyddio teclynnau tebyg yn anghyfreithlon, anghyfrifol ac yn beryglus.
"Bydd y rhai hynny sy'n troseddu felly yn derbyn Gorchmynion Gwahardd Pêl Droed a allai gyfyngu mynediad i bob gêm bêl droed."