Cyhuddo tri mewn cysylltiad â marwolaeth plentyn dwy oed
Cynnwys y prif erthygl
Cyhuddo tri mewn cysylltiad â marwolaeth plentyn dwy oed
Mae ditectifs wedi cyhuddo tri o bobl yng nghyswllt marwolaeth Ethan Ives, plentyn 2 oed yn Ninas Gardd, Sir y Fflint ym mis Awst 2021.
Cyhuddwyd Michael Ives, 46 a Kerry Ives, 45 o Ddinas Gardd o lofruddio, gan achosi neu ganiatáu i blentyn ddioddef niwed corfforol difrifol ac ymosod, cam-drin, esgeuluso a gadael plentyn gan achosi dioddefaint neu anaf diangen.
Cyhuddwyd Shannon Kayleigh Ives (27) o'r Wyddgrug o achosi neu ganiatáu i blentyn ddioddef niwed corfforol difrifol ac ymosod, cam-drin, esgeuluso a gadael plentyn gan achosi dioddefaint neu anaf diangen.
Mae Michael a Kerry Ives wedi ymddangos gerbron Llys Ynadon Wrecsam y prynhawn hwn (04/03/2024) a'u cadw yn y ddalfa i ymddangos yn Llys y Goron ar ddydd Mercher 6 Mawrth.
Mae Shannon Ives allan ar fechnïaeth i ymddangos ar 04/04/2024.