Apêl yn dilyn fyrgleriaeth mewn banc yn Sir y Fflint

Toc cyn 3am y bore yma (dydd Mercher, 13 Mawrth) fe wnaethon ni dderbyn adroddiad am fyrgleriaeth mewn banc yn Nhreffynnon.

Adroddir fod twll yn y wal yn y banc ar y Stryd Fawr wedi cael ei dargedu gan dri o bobl wedi’u gwisgo mewn dillad du ac mewn cerbyd stad tywyll.

Dywedir eu bod wedi cymryd swm o arian.

Mae swyddogion yn parhau yn y fan a’r lle ac mae ymchwiliadau i’r digwyddiad yn parhau.

Dywedodd y Ditectif Arolygydd Chris Owen: “‘Da ni’n gweithio’n agos hefo’r banc ac mae nifer o ymholiadau’n cael eu dilyn er mwyn arestio’r rhai hynny sydd yn gysylltiedig cyn gynted â phosibl.

“Dwi’n annog unrhyw un welodd cerbyd stad tywyll amheus yn yr ardal ar adeg y drosedd i gysylltu hefo ni ar y cyfle cyntaf.

“Bydd mwy o batrolau yn yr ardal heddiw er mwyn tawelu meddwl pobl.”