Carcharu lleidr siop o Wrecsam ar ôl troseddau yng nghanol y ddinas
Cynnwys y prif erthygl
Mae lleidr siop o Wrecsam wedi cael eu carcharu yn dilyn tri achos o ddwyn yn y ddinas.
Ymddangosodd Adam Roberts o Hampson Avenue, Wrecsam yn Llys Ynadon Yr Wyddgrug heddiw, dydd Iau, 25 Ebrill, lle gwnaeth gyfaddef dri chyhuddiad o ddwyn o siop.
Cafodd y dyn 37 oed ei arestio a'i gyhuddo ddoe (24 Ebrill) am y troseddau.
Cafodd ei ddedfrydu i wyth wythnos yn y carchar am ddwyn o siopau a thorri gorchymyn cymunedol.
Adroddwyd am y digwyddiad cyntaf ar 4 Mawrth yn y Co-op ar Prince Charles Road, Wrecsam lle gwnaeth Roberts ddwyn gwerth £40 o eitemau a siocled yn bennaf oedd hynny.
Yna aeth mewn i Tesco ar Ffordd y Cilgant ar 13 Ebrill a dwyn tri bocs o glustffonau a diaroglyddion, gwerth £124.
Dridiau yn ddiweddarach ar 16 Ebrill, dychwelodd i'r Co-op ar Prince Charles Road a chuddio pedair jar o goffi yn ei siaced. Pan wnaeth staff ei herio fo, fe roddodd un ohonyn nhw yn ôl, ond cymerodd y tri arall heb dalu.
Dywedodd Heidi Stokes, Arolygydd Dinas Wrecsam: "Dwi'n gobeithio y bydd dedfryd heddiw yn anfon neges glir y bydd y rhai hynny sy'n troseddu yn y ddinas yn cael eu dal, a bydd camau cadarn yn cael eu cymryd yn eu herbyn.
"Nid ydy dwyn o siopau yn drosedd heb ddioddefwyr. Fe wnawn ni barhau ymlid y rhai hynny sy'n achosi'r galw mwyaf yn ein cymuned ni."