Gweithio mewn partneriaeth ym Moelfre dros Y Pasg

Dros y gwyliau Pasg, mae Tîm Plismona’r Gymdogaeth wedi bod yn gweithio efo Gwasanaethau Ieuenctid Môn ac aelodau ifanc o’r gymuned ym Moelfre.

 

Cafwyd buddsoddiad gan PACT tuag at brosiect cymunedol a welodd 17 o bobl ifanc rhwng 11-17 oed yn cymryd rhan mewn ymgyrch codi sbwriel, ac hefyd mynychu sesiynau efo’r RNLI am ddiogelwch yn y dŵr, ac efo’r swyddog ieuenctid camddefnyddio sylweddau.

 

Gorffennodd y prosiect efo helfa wyau Pasg i wobrwyo’u cyfranogiad.

 

Dywedodd SCCH Iona: “ Mae prosiectau ieuenctid mor bwysig, er mwyn creu cyfleoedd i ddysgu ac i ddatblygu sgiliau newydd i bobl ifanc.

“’Rydym yn gwerthfawrogi buddsoddiad PACT, sy’n caniatáu i ni annog awyrgylch grŵp gadarnhaol i bobl ifanc, er mwyn iddynt ddatblygu balchder yn eu cymunedau, ac i ystyried eu diogelwch eu hunain pan fyddant allan efo ffrindiau.

“Mae’r bobl ifanc a gymerodd rhan wedi gwneud gwaith da, a ‘dwi’n falch eu bod wedi mwynhau eu hunain.

“’Dw i hefyd eisiau diolch i’r gwasanaethau ieuenctid am eu gwaith ardderchog a’u hymrwymiad yn gweithio efo’r bobl ifanc, ac am roi’r cyfleodd gwerth chweil yma iddynt.”

Dywedodd Reolwr Prosiect PACT, Dave Evans: “’Dw i mor hapus i weld gymaint o bobl ifanc yn cymryd rhan yn y prosiect hwn, yn dangos eu bod yn ran allweddol o’n cymuned. Diolch i SCCH Beckmann a’i chydweithwyr, ac i Wasanaethau Ieuenctid Môn am sicrhau fod y prosiect hwn yn llwyddiant.”