Carcharu dyn am dagu bwriadol
Cynnwys y prif erthygl
Mae dyn 32 oed wedi'i garcharu am dagu ei gariad.
Ymddangosodd Luke Richard Roberts o Stryd yr Eglwys, Niwbwrch yn Llys y Goron yr Wyddgrug, dydd Gwener 3 Ebrill ar ôl pledio'n euog i dagu yn fwriadol.
Ar 22 Awst 2023, roedd Roberts mewn cyfeiriad yn Neiniolen pan darodd ei bartner gyda photel ac yna ei thagu nes aeth yn anymwybodol.
Heddiw cafodd ei garcharu am ddwy flynedd a chwe mis.
Dywedodd Ditectif Gwnstabl Saran Henderson: “Ni fyddwn yn goddef ymddygiad treisgar tuag at ferched.
“Dw i'n cymeradwyo dewrder y dioddefwyr yn yr ymchwiliad hwn.
“Nid yw'n hawdd siarad yn dilyn trais domestig, ond gallaf sicrhau i unrhyw un y byddwn yn ymchwilio unrhyw adroddiad o drais domestig yn drylwyr ac yn erlyn troseddwyr."
Ymgyrch Unite yw ein hymateb i drais yn erbyn merched a genethod. Ceir mwy o wybodaeth yma: Ymgyrch Unite | Heddlu Gogledd Cymru