Warning to dog owners about sheep worrying
Cynnwys y prif erthygl
Mae'r heddlu yn ymchwilio i ymosodiad ar ddefaid a ddigwyddodd ar ddydd Sul 18 Chwefror yn Nhalysarn, Gwynedd.
Bu adroddiadau tua 3.45pm pan welwyd ci yn rhedeg yn rhydd mewn cae yn ardal Lon Cilgwyn yn Nhalysarn gan anafu dafad. Dywedodd PC Michelle Allsup, o Dîm Troseddau Cefn Gwlad: "Roedd y ddafad yn feichiog ac roedd hyn yn achos gofid mawr i'r perchennog.
"Mae aflonyddu ar ddefaid yn drosedd. Mae caniatáu i gŵn fod allan o reolaeth o gwmpas anifeiliaid fferm yn drosedd, hyd yn oed os nad yw'r anifeiliaid yn cael eu hanafu.
"Mae'r cyfnod wyna yn digwydd ar hyn o bryd ac mae'r ffermwyr yn gweithio bob awr i ddiogelu eu hanifeiliaid ac yn sicrhau bod yr ŵyn yn cael eu geni'n iach a diogel. Mae aflonyddu ar ddefaid yn achosi poen a dioddefaint ac yn effeithio ar y gymuned amaethyddol yn ariannol ac yn feddyliol.
"Sicrhewch fod eich ci ar dennyn byr bob amser o gwmpas anifeiliaid fferm."
Gofynnir i unrhyw un sydd hefo gwybodaeth am y digwyddiad hwn gysylltu hefo'r heddlu drwy'n gwefan neu drwy ffonio 101 gan ddyfynnu cyfeirnod Q023974.