Chwilio'n parhau yn ardal y Carneddau
Cynnwys y prif erthygl
‘Da ni’n parhau chwilio am David, 65, sydd wedi bod ar goll ar y Carneddau yn Eryri ers 9 Ionawr.
Mae gwahanol asiantaethau wedi bod yn chwilio amdano fo ers iddo fo ddiflannu, ond dydy David heb ddod i’r fei eto.
Dywedodd y Prif Arolygydd David Cust: “Mi fuaswn i’n hoffi diolch i asiantaethau partner a’r gymuned ehangach am eu help nhw wrth chwilio am David, sy’n parhau wrth i’r tywydd ganiatáu.
“Dwi’n apelio ar unrhyw un sydd wedi bod allan yn cerdded yn yr ardal ac sydd ella wedi dod ar draws bag cefn mawr, fel sydd i’w weld yn y llun isod, i gysylltu hefo ni.
“’Da ni’n dal i helpu teulu David yn y cyfnod anodd hwn.”
Dylai unrhyw un sydd ella wedi gweld David, neu unrhyw un o’r eitemau sydd wedi cael eu disgrifio ers iddo ddiflannu gysylltu hefo ni drwy ein gwefan ni neu drwy ffonio 101, gan ddyfynnu cyfeirnod Q004447.