Apêl o'r newydd am fenyw goll
Cynnwys y prif erthygl
Rydym yn parhau i chwilio am wybodaeth am ddynes 50 oed o ardal Ynys Lawd ar ôl iddi ddiflannu fis diwethaf.
Aeth y ddynes ar goll dros nos rhwng 11.30pm, 29 Ionawr a 9.30am, 30 Ionawr.
Er gwaethaf ymdrechion gan nifer o asiantaethau yn y dyddiau yn dilyn y diflaniad, nid yw hi wedi cael ei darganfod.
Roedd y ddynes yn gwisgo 'onesie' gwyn, het 'bobble' gwyn, esgidiau gwyrdd a 'puffer jacket' du.
Daethpwyd o hyd i beth o’i heiddo yn y môr ger Ynys Lawd.
Dywedodd y Prif Arolygydd Ardal Robert Rands: "Rydym yn estyn ein cydymdeimlad at deulu a chyfeillion y ddynes yn ystod y cyfnod anodd hwn ac rydym yn rhoi pob cefnogaeth iddynt."
"Dwi'n apelio ar unrhyw un sydd wedi ei gweld, neu sydd wedi gweld Nissan Micra 2006 arian neu sydd â thystiolaeth ar CCC neu gamera cerbyd yn ardal Ynys Lawd i gysylltu â ni".
Gofynnir i unrhyw un sydd hefo gwybodaeth am y digwyddiad hwn gysylltu hefo'r heddlu drwy'n gwefan neu drwy ffonio 101 gan ddyfynnu cyfeirnod 47124.