Cydnabod swyddogion yn dilyn camau achub bywyd tra ar ddyletswydd

Cafodd PC Tom Harvey, PC Siôn Jones, SCCH Delia Bellis, SCCH Sandie Williams a SCCH Shana Clarke eu cymeradwyo'n ddiweddar gan yr Uwcharolygydd Llinos Davies am eu gwaith rhagorol nhw er mwyn achub bywyd dyn oedd wedi dioddef anaf pen a oedd yn bygwth ei fywyd.

Aeth swyddogion i ardal Rhydymain ym mis Awst 2023 mewn ymateb i ddigwyddiad lle'r oedd dyn yn gorwedd mewn ceunant 30 medr o ddyfnder. Yn dilyn ymdrech ddewr gan swyddogion, fe wnaeth y dyn oroesi'r digwyddiad diolch byth.

Dywedodd yr Uwcharolygydd Llinos Davies: "Dangosodd y swyddogion ddewrder aruthrol a chydweithio mewn achubiaeth gymhleth hefo asiantaethau partner er mwyn achub bywyd dyn.

"Maen nhw'n gaffaeliad i Heddlu Gogledd Cymru ac yn haeddu cael eu canmol am yr hyn wnaethon nhw."