Ymholiadau'n parhau i adroddiad wallaby wedi'i ddwyn

 

Mae walabi ifanc a gafodd ei ddwyn ar goll o hyd. Riportiwyd bod Walter y walabi wedi cael ei ddwyn o gartref ar Ffordd Caergybi ym Mae Cemaes, rhwng 4am-6am ar ddydd Iau, 18 Ionawr.

Rydym yn parhau i apelio ar unrhyw un gyda gwybodaeth i gysylltu â ni.

Dywedodd SCCH Rhys Evans o’r Tîm Troseddau Cefn Gwlad: “Mae Walter tua 11 mis oed a heb gael ei ddiddyfnu yn iawn sy’n golygu ei fod yn cael ei fwydo gan ei fam o hyd.

“O ganlyniad, mae ei berchennog yn pryderi’n fawr amdano ac am iddo gael ei ddychwelyd cyn gynted â phosib.

“Rydym yn parhau i apelio ar unrhyw un a welodd Walter neu sydd â thystiolaeth ar gamera o’r ardal o gwmpas yr amser y cafodd ei ddwyn i gysylltu â’r heddlu cyn gynted â phosib.

Dylai unrhyw un â gwybodaeth a allai ein cynorthwyo gyda’n ymholiadau gysylltu â ni drwy ein gwefan neu drwy alw 101, gan ddyfynnu 24000085021.