Swyddogion yn targedu gyrwyr gwrthgymdeithasol ym Mhwllheli

Mae swyddogion Gwynedd yn cynyddu patrôl er mwyn targedu gyrru gwrthgymdeithasol ym Mhwllheli.

Bydd patrolau amlwg yn digwydd yn yr ardal yn ystod y nosweithiau a dros nos mewn ardaloedd sy'n dioddef ymddygiad gwrthgymdeithasol, yn cynnwys y Maes, y Cob a meysydd parcio cyfagos.

Bydd swyddogion yn delio ag unrhyw un sy'n ymddwyn mewn modd gwrthgymdeithasol neu sydd yn torri rheolau traffig, ac yn gosod rhybuddion, dirwyon, adroddiadau troseddau traffig ac os oes rhaid, yn atafaelu ac yn arestio. Bydd profion anadlu yn digwydd hefyd ar ochr y ffordd.

Dywedodd Rhingyll Simon Barlow: “Dan ni wedi derbyn nifer o adroddiadau gan drigolion yn rhannu ein gofidion ynglŷn â gyrru'n beryglus yn ardal Pwllheli.

“Er mwyn atal ymddygiad gwrthgymdeithasol pellach mae mis Medi yn cael ei neilltuo i dargedu'r gofidion hyn a gosod patrolau ychwanegol i fynd i'r afael â'r problemau hyn.

"Hoffwn annog unrhyw un gyda gofidion yn ymwneud ag ymddygiad gwrthgymdeithasol ym Mhwllheli i riportio'r digwyddiadau i ni."

Gall unrhyw un sydd â gwybodaeth gysylltu â ni drwy'r wefan, neu drwy alw 101.