Man jailed for sexual offences

Mae dyn 31 oed wedi’i garcharu am droseddau rhywiol.

Ymddangosodd Sam Sherman Davies, sy’n ddigartref, ger bron Llys y Goron Caernarfon heddiw, dydd Llun 11 Medi, ar ôl pledio’n euog i dreisio ac ymddygiad rheolaethol a gorfodol.  

Cafodd ei ddedfrydu i 12 mlynedd o garchar. Cafodd hefyd orchymyn cyfyngu a bydd ar y gofrestr troseddwyr rhyw am oes.

Dywedodd y Ditectif Gwnstabl Delyth Shakespeare: “Mae hyd ei ddedfryd yn adlewyrchu difrifoldeb y drosedd a’r effaith mae wedi’i gael ar y dioddefwr.

“Dwi’n cymeradwyo dewrder y dioddefwr sydd wedi dangos dewrder aruthrol drwy gydol yr ymchwiliad. Dwi’n gobeithio y bydd hi’n medru dod o hyd i ddiwedd i hyn rŵan hefo’r cysur o wybod fod cyfiawnder wedi digwydd heddiw. 

“’Da ni’n parhau wedi ymroi i ddod â throseddwyr o flaen eu gwell. Buaswn i’n annog unrhyw un sy’n dymuno hysbysu am drosedd rywiol i ddod ymlaen a siarad hefo ni.”