Pump o bobl wedi cael eu harestio'n dilyn digwyddiad yn Rhos, Wrecsam

Mae pump o bobl wedi cael eu harestio'n dilyn digwyddiad yn Rhosllannerchrugog ddoe (dydd Iau, 21 Medi).

Toc cyn 5pm, galwyd swyddogion i adroddiadau am anrhefn gyhoeddus yn ardal Wern Las.

Cafodd dynes ei chludo i'r ysbyty hefo anafiadau. Cafodd dyn 25 oed ei arestio wedyn ar amheuaeth o ymosod, affräe a bygwth difrodi eiddo.

O ganlyniad i'r digwyddiad, ymosodwyd ar dri swyddog ac fe gawsant anafiadau, tra gwnaeth dau arall ddioddef anafiadau.

Mae dau ddyn 25 a 27 oed, a dwy ddynes 23 a 31 oed wedi'u harestio hefyd ar amheuaeth o droseddau o ran y digwyddiad, gan gynnwys affräe, bygythiadau i ladd, difrodi eiddo ac ymosod ar weithwyr y gwasanaethau brys.

Cafodd plentyn ifanc o fewn ardal yr anrhefn ei ddal gan chwistrell daliwr ond ni wnaeth ddioddef unrhyw anafiadau.

'Da ni'n ymwybodol fod y digwyddiad wedi'i ffilmio. Ers hynny, mae wedi cael ei rannu ar y cyfryngau cymdeithasol. 'Da ni'n gofyn i unrhyw un hefo ffilm i beidio rhannu unrhyw fideos eraill gan fod hwn yn cael ei ymchwilio. Yn hytrach, cysylltwch â'i rannu hefo swyddogion.

Mae ymchwiliadau pellach ar y gweill a bydd patrolau'n cynyddu yn yr ardal er mwyn cynnig tawelwch meddwl i'r gymuned leol.