Yr RNLI yn helpu Heddlu Gwirfoddol Gogledd Cymru

Mae'r Rhingyll Gwirfoddol Kristian Ferns wedi gwirfoddoli hefo Heddlu Gogledd Cymru am dair blynedd ac wedi cyrraedd statws Rhingyll Gwirfoddol Dros Dro ym mis Mai 2022. 

Dros y cyfnod hwn mae Kristian wedi cyflawni sawl dyletswydd gwahanol yn cynnwys Diwrnod Effaith Traffig, patrolau economi nos, cadernid yn ystod Storm Eunice ac wedi cyflawni dyletswyddau ymateb gan ymdrin â galwadau 999. 

Wythnos diwethaf, cymerodd Kristian rhan mewn cwrs Arweinyddiaeth Gynhwysol. Hwn ydy'r buddsoddiad mwyaf yn pymtheg mlynedd diwethaf gan Heddlu Gogledd Cymry  i ddatblygu arweinyddiaeth. Cafodd y cwrs ei gynnal  dros 4 diwrnod yn canolbwyntio  ar ddiwylliant y gweithle, lles a chyflawniad staff. O dan arweiniad tîm o hwyluswyr,  datblygodd y cynrychiolwyr y wybodaeth a'r sgiliau er mwyn creu amgylchfyd pobl a chynorthwyol a fydd yn cael effaith gadarnhaol ar y swyddogion, staff a gwirfoddolwyr maent yn eu rheoli.

Swydd Kris ydy Rheolwr Cymorth Mewn Gwasanaeth Arfordirol i'r RNLI gan ymdrin hefo cydymffurfiaeth, sicrwydd a phroblemau peirianneg. Mae'r RNLI yn falch o gynorthwyo Plismona a Gefnogir gan Gyflogwyr, gan roi 5 diwrnod o absenoldeb taledig i'r rhai hynny sy'n gwirfoddoli hefo'r Heddlu Gwirfoddol.  Oherwydd hyn, gall Kristian fynychu'r cwrs Arweinyddiaeth Gynhwysol a mynd â'r mewnwelediadau a gafodd yn ôl i'w weithle o ganlyniad.  Nid yn unig bydd yn ei helpu yn ei rôl fel Rhingyll Gwirfoddol, ond yn ei waith bob dydd hefyd! 

Dywedodd Darren Veevers, Arweinydd Peirianneg a Chyflawni Rhanbarthol yr RNLI “Mae elusen yr RNLI yn falch o alluogi cefnogi Kris yn ei rôl wirfoddol hefo’r Heddlu Gwirfoddol. Hefo gwirfoddolwyr wrth galon ein sefydliad ni, ‘da ni’n cydnabod ac yn gwerthfawrogi cyfraniad pobl yn rhoi o’u hamser. Mae’r sgiliau mae Kris wedi’i fagu eisoes yn gallu cael eu trosglwyddo ac yn dod â manteision i’r RNLI. ‘Da ni’n ddiolchgar am hynny.”

Mae plismona a Gefnogir gan Gyflogwyr yn rhywbeth cadarnhaol i Swyddogion Gwirfoddol, eu cwmnïau, Heddlu Gogledd Cymru, a'n cymunedau lleol. Mae 450 o gwmnïau wedi cofrestru hefo Plismona hefo Cefnogaeth Cyflogwyr ledled y DU, o'r RNLI, British Airways, TESCO ac ASDA i'r Admiral Group PLC a CGI IT UK LTD.

Allwch eich cumni chi gynorthwyo’r cynllun Plismona a Gefnogir gan Gyflogwyr? Cysylltwch a [email protected]  i ddarganfod fwy o wybodaeth.

Mae ein ffenest ymgeisio ar gyfer Swyddogion Gwirfoddol ar agor rŵan, ewch draw i’n gwefan i wybod mwy a sut i ymgeisio – Special constable | North Wales Police