Ymchwiliad wedi lansio i farwolaeth dyn yn Wrecsam
Cynnwys y prif erthygl
Mae dau o bobl wedi cael eu harestio mewn cysylltiad â'r digwyddiad
Am 6.14pm ar ddydd Llun, 23 Hydref, cawsom alwad i ddigwyddiad mewn eiddo ym Mhentre Gwyn, Wrecsam.
Fe wnaeth swyddogion ymateb, ynghyd â chydweithwyr o Wasanaeth Ambiwlans Cymru.
Yn anffodus, bu farw dyn 40 oed yn y fan a'r lle.
Mae dau o bobl wedi cael eu harestio ar amheuaeth o lofruddio mewn cysylltiad â'r digwyddiad ac maen nhw bellach wedi cael eu rhyddhau ar fechnïaeth gan ddisgwyl ymholiadau pellach.
Mae swyddogion yn parhau yn y fan a'r lle wrth i ymchwiliadau barhau i'r farwolaeth annisgwyl.
Mae'r crwner a theulu y dyn wedi cael gwybod.
Dywedodd y Prif Arolygydd Mark Hughes: "Mae'n ddyddiau cynnar yr ymchwiliad. 'Da ni'n cadw meddwl agored o ran yr amgylchiadau.
"Buaswn i'n hoffi tawelu meddwl y gymuned ein bod ni ddim yn credu fod risg ehangach i'r cyhoedd.
"Gofynnir i unrhyw un hefo gwybodaeth a all helpu hefo'n hymchwiliad gysylltu hefo ni ar 101, neu drwy'r wefan, gan ddefnyddio rhif cyfeirnod 23001046393.”