Carcharu dyn o Sir Fflint am dros ddwy flynedd am droseddau trais domestig

 

Mae dyn 26 oed wedi cael ei garcharu heddiw am droseddau trais domestig.

Ymddangosodd Niall Lewis, o Ffordd Brannan, Alltami ger bron Llys y Goron yr Wyddgrug heddiw (dydd Iau, 26 Hydref). Cafodd ei ddedfrydu i ddwy flynedd a thair mis ar ôl cael ei ganfod yn euog o niwed corfforol gwirioneddol a chyfaddef trosedd o dagu nad oedd yn angheuol.

Digwyddodd hyn yng nghartref y dioddefwr ar fore 26 Rhagfyr llynedd.

Yn dilyn cweryl, gwnaeth Lewis ei gwthio i'r llawr, cyn rhoi ei ddwylo rownd ei gwddf a gafael y dynn, hyd nes nad oedd hi'n methu anadlu. 

Er i'r dioddefwr geisio dianc, parhaodd ymddygiad ymosodol a thrais Lewis hyd nes iddi lwyddo dianc o'r tŷ a galw am help. 

Cafodd ei arestio a'i remandio wedyn yn y ddalfa tan ei ddedfrydu heddiw.

Derbyniodd Lewis, a oedd wedi'i ganfod yn euog o'r blaen o guro'r dioddefwr ac achosi difrod troseddol, orchymyn atal am bum mlynedd hefyd yn erbyn y dioddefwr heddiw. 

Dywedodd Ann Parry, Ymchwilydd Sifil a oedd yn swyddog ymchwilio ar yr achos: "Dwi'n cymeradwyo dewrder a chryfder y dioddefwr hwn am ddod ymlaen ac am ddangos cymaint o ddewrder drwy gydol yr ymchwiliad, sydd wedi arwain at ganlyniad heddiw. 

"'Da ni wedi ymroi sicrhau fod adroddiadau am drais yn erbyn merched a genethod yn cael eu hymchwilio'n drwyadl ac fe wnawn ni barhau i ddod â throseddwyr o flaen eu gwell. .

"Os ydych chi neu rywun 'da chi'n 'nabod yn dioddef trais domestig ac yn gallu cael y dewrder i ddod ymlaen, cysylltwch hefo ni. 'Da ni hefo swyddogion ymroddedig sydd wedi'u hyfforddi'n arbennig er mwyn eich helpu chi."

Mae Ymgyrch Unite yn ymateb Heddlu Gogledd Cymru i ymdrin â thrais yn erbyn merched a genethod. Ceir mwy o wybodaeth yma – Ymgyrch Unite | Heddlu Gogledd Cymru