Carcharwyd dynes am fethu â stopio yn dilyn gwrthdrawiad gyda cherddwr

Carcharwyd dynes 34 oed am fethu â stopio yn  dilyn gwrthdrawiad gyda cherddwr yn Llandudno, gan adael y dyn ag anafiadau a wnaeth newid ei fywyd.

Ymddangosodd Charlotte Brown o Gysgod y Castell, Llandudno yn Llys y Goron Caernarfon ar ddydd Mawrth 21 Hydref ar ôl cyfaddef yfed a gyrru gan achosi anafiadau difrifol drwy yrru yn ddiofal a methu â stopio yn dilyn damwain ffordd.

Fe'i dedfrydwyd i 16 mis o garchar a chafodd ei gwahardd rhag gyrru am ddwy flynedd ac wyth mis. Rhaid iddi hefyd sefyll prawf gyrru dwys wedi i'r gwaharddiad ddod i ben.

Digwyddodd y ddamwain ar Lon Crogfryn, Llandudno ar ddydd Sadwrn, 28 Ionawr tua 11.24pm pan wnaeth y cerbyd yr oedd Brown yn ei yrru daro dyn yn cerdded adref ar ôl noson allan.

Cafodd anafiadau a fydd yn newid ei fywyd.

Yn dilyn y gwrthdrawiad gadawodd Brown y safle cyn cael gwrthdrawiad arall o fewn munud pan drodd ei char drosodd.

Cafodd ei thynnu o'i cherbyd gan aelodau o'r cyhoedd. Fe'i harestiwyd yn ddiweddarach y noson honno.

Dywedodd Rhingyll Emlyn Hughes o Uned Plismona’r Ffyrdd:  "Cafodd y dioddefwr anafiadau difrifol i'w ben a'i goesau a fydd yn effeithio arno am weddill ei oes.

"Wedi treulio pedwar mis yn Ysbyty Brenhinol Prifysgol Stoke, cafodd ei symud i ganolfan arbenigol ac mae yno o hyd.

"Ni fydd unrhyw ddedfryd yn lleddfu'r niwed a achoswyd iddo a'i deulu gan Brown ar 28 Ionawr.

"Gobeithio y bydd yr achos trasig hwn yn atgoffa pob gyrrwr bod gyrru o dan ddylanwad alcohol yn arwain at ganlyniadau andwyol."