Cyhuddo dyn o gyfathrebu rhywiol hefo plentyn

Mae dyn 26 oed o ardal y Ffôr wedi cael ei gyhuddo o gyfathrebu’n rhywiol hefo plentyn.

Mae Alun Jones Williams wedi cael ei remandio er mwyn ymddangos ger bron Llys Ynadon Caernarfon heddiw, 21 Tachwedd.

‘Da ni’n ymwybodol o negeseuon yn cael eu rhannu ar y cyfryngau cymdeithasol. Mae hwn bellach yn ymchwiliad byw felly ‘da ni’n annog y cyhoedd i beidio damcaniaethu ar-lein neu rannu unrhyw negeseuon ymhellach. Gall hyn beryglu ein hymchwiliad ni.

Dylai unrhyw un hefo gwybodaeth sy’n gallu helpu ein hymholiadau ni gysylltu hefo ni’n uniongyrchol drwy ein gwefan neu drwy ffonio 101, gan ddyfynnu cyfeirnod A183906.