Trefi ledled Gogledd Cymru'n parhau i elwa o Gronfa Strydoedd Diogelach

Cyhoeddwyd Caergybi llynedd fel wedi llwyddo yn y fenter Strydoedd Diogelach ddiweddaraf.

Mae'r prosiect yn rhaglen helaeth sy'n gweld penderfyniad i wneud strydoedd y dref hyd yn oed yn fwy diogel.

Mae'n elwa pawb sy'n ymweld, byw neu'n gweithio yn yr ardal.

Mae'r bedwaredd rownd o gyllid a roddir gan y Llywodraeth wedi'i anelu'n benodol at atal trais yn erbyn merched a genethod yn gyhoeddus, troseddau cymdogaethau ac ymddygiad gwrthgymdeithasol.

Bydd hyn yn galluogi cyflwyno CCC a golau stryd ychwanegol, ynghyd a darparu patrolau ychwanegol i wneud ardaloedd yn fwy diogel a throseddau'n haws eu canfod.

Bydd y prosiect hefyd yn ehangu gwaith i newid agweddau ac ymddygiadau ac atal y troseddau hyn rhag digwydd yn y lle cyntaf, drwy bartneriaeth rhwng Heddlu Gogledd Cymru , Cyngor Ynys Môn, Gwynedd a Phartneriaeth Diogelwch Cymunedol Ynys Môn, cyngor tref Caergybi a Swyddfa'r Comisiynydd Heddlu a Throsedd.

Mae'r Gronfa Strydoedd Diogelach yn caniatáu heddluoedd ac awdurdodau lleol fuddsoddi mewn mentrau ymyrraeth trosedd trawsnewidiol, fel: 

• Gosod 21 o gamerâu CCC HD ac uwchraddio camerâu CCC yn y Ganolfan Hamdden, a chysylltu gydag ystafell reoli Cyngor Ynys Môn
• Gosod ac uwchraddio golau stryd ychwanegol er mwyn gwella hygyrchedd, diogelwch a gwyliadwriaeth y dref.
• Darparu dosbarthiadau ffitrwydd a hunanamddiffyn i ferched a genethod.
• Darparu offer campfa i ddosbarthiadau genethod o fewn yr ysgol uwchradd.
• Darparu pecynnau gwella diogelwch ac atal trosedd i drigolion
• Patrolau heddlu amlwg ychwanegol wedi'u targedu
• Darparu Llochesi Ieuenctid newydd, gwaith allgymorth ac offer i gyfleusterau ieuenctid presennol.
• Cyflawni cynnyrch addysgiadol pwrpasol i ysgolion parth ymddygiad gwrthgymdeithasol (achosion, effaith a chanlyniadau)

Nid oes esgus am unrhyw fath o gam-drin. Mae lleihau troseddau o'r pwys mwyaf a dyma pam rydym yn gweithio'n galed ar atal ac ymyrraeth gynnar yng Nghaergybi, yn enwedig wrth atal trais yn erbyn merched a genethod ac ymddygiad gwrthgymdeithasol.

Mae gwerthuso'r Gronfa Strydoedd Diogelach yn dangos fod y buddsoddiad hwn yn gwneud cymunedau deimlo'n fwy diogel. Mae pobl mewn cymunedau sydd wedi cael CCC a golau stryd ychwanegol wedi'u gosod yn llai tebygol o boeni am gael eich mygio neu'ch lladrata.

I wybod mwy am y Gronfa Strydoedd Diogelach, ewch ar:

https://www.gov.uk/government/news/safer-streets-fund-is-building-confidence-in-the-police