Arestiadau pellach wedi ei wneud yn dilyn cyfres o fyrgleriaethau mewn cymunedau gwledig

Mae dau o bobl eraill wedi cael eu harestio heddiw yn dilyn cyfres o fyrgleriaethau mewn cymunedau gwledig yng Ngwynedd.

Daw hyn ar ôl i dri gael eu harestio ar ddydd Mercher, 22 Chwefror yn dilyn nifer o warantau yn Swydd Amwythig a Gorllewin Canolbarth Lloegr fel rhan o Ymgyrch Calafat.

Gwnaeth Uned Troseddau Trefnedig a Difrifol Heddlu Gogledd Cymru a Heddlu Gorllewin Mersia arestio dau o ddynion y bore yma yn ardal Gorllewin Canolbarth Lloegr ar amheuaeth o gynllwynio i gyflawni byrgleriaeth.

Maent ill dau yn cael yn y ddalfa yn Telford, lle bydd yr heddlu yn eu holi nhw.

Daw Ymgyrch Calafat yn dilyn adroddiadau am ladradau peiriannau amaethyddol o werth mawr a beiciau pedair olwyn mewn ardaloedd gwledig gan gynnwys Tywyn, Dolgellau a'r Bala ym mis Tachwedd llynedd.

Mae'r tri a gafodd eu harestio'r wythnos ddiwethaf wedi cael eu rhyddhau ar fechnïaeth yn disgwyl ymholiadau pellach.

Dywedodd y Ditectif Arolygydd Richard Sidney: "Mae ein hymchwiliad i'r lladradau amaethyddol hyn yn parhau. Rwyf wedi ymroi i ymlid y rhai hynny sy'n achosi'r niwed ac effaith ariannol mwyaf mewn cymunedau gwledig."

Dylai unrhyw un sy'n amau unrhyw ymddygiad anarferol neu amheus yn eu hardal ein hysbysu ni mor fuan â phosibl ar 101, neu drwy'r wefan.