Tri wedi eu harestio yn dilyn gwarantau ar Ynys Môn
Cynnwys y prif erthygl
Mae tri pherson wedi cael eu harestio yn dilyn gwarantau ar Ynys Môn ddoe. Cynhaliodd swyddogion bedwar gwarant o dan y Ddeddf Camddefnyddio Cyffuriau ar ddydd Mercher, 28 Mehefin yn Llangefni, Bodedern a'r Fali.
Yn rhoi cymorth i Dîm Plismona Cymdogaethau Ynys Môn roedd y Tîm Rhyng-gipio Rhagweithiol, y Gynghrair Plismona Arfog a'r Adran Gŵn.
Atafaelwyd swm sylweddol o gyffuriau Dosbarth A ac offer cysylltiedig. Arestiwyd dau ar amheuaeth o feddu cyffuriau dosbarth A gyda’r bwriad o gyflenwi ac arestiwyd trydydd person am fod â chyffuriau Dosbarth A yn ei feddiant.
Dwedodd CH Ed Reynolds: "Mae delio â chyffuriau yn cael effaith andwyol ar ein cymunedau yng Ngogledd Cymru ac yn dal mantais ar bobl fwyaf bregus ein cymdeithas.
“Ni fyddwn yn dioddef unrhyw weithgareddau anghyfreithlon gan y rhai sy'n cyflenwi cyffuriau a byddwn yn erlid a chosbi'r rhai sy'n achosi niwed i'r cyhoedd."
Mae’r ymchwiliadau'n parhau.