Clwb Pêl Droed Merched HGC yn ennill gêm elusennol

Enillodd tîm pêl-droed merched Heddlu Gogledd Cymru gêm elusennol yr wythnos hon.

Ar ddydd Mercher 21 Mehefin yn Ysgol y Grango yn Rhosllanerchrugog bu CP Merched HGC yn chwarae yn erbyn Tîm Pêl-droed Merched Gwasanaeth Tân ac Achub Gogledd Cymru.

Roedd y gêm yn gyffrous gyda HGC yn mynd ar y blaen 1-0 yn y 30 eiliad cyntaf diolch i Dani cyn i Wasanaeth Tân sgorio 3 gôl. Bu sawl cic at y gôl gan y Gwasanaeth Tân ond mi wnaeth Ali achub pob un - daeth #15 o'r Gwasanaeth Tân allan o'r gôl gyda gwaith troedio gwych gan wneud hi’n fwy anodd i HGC!

Yn dilyn 2 gôl arall gan Em o HGC sgoriodd y Gwasanaeth Tân 2 gôl arall. Sgoriwyd y gôl i ennill gan Steph a oedd yn gampus!! Dyma gêm gyntaf y Gwasanaeth Tân - cafodd pawb eu synnu - roeddent yn griw gwych o ferched ac yn bleser i chwarae yn eu herbyn.

HGC -  Sgorwyr y gôl:

Dani – 3 gôl

Em – 2 gôl

Steph – 1 gôl

Diolch o galon i Ringyll Tîm Plismona Cymdogaeth Wledig Wrecsam, Rhodri Ifans a fu'n dyfarnu'r gêm a PC Vinny Jones o Ffederasiwn yr Heddlu a ddaeth i gefnogi.

Roedd y gêm yn ddigwyddiad elusennol i helpu codi arian ar gyfer disgyblion Ysgol y Grango yn Rhosllanerchrugog i ddechrau eu tîm pêl-droed merched eu hunain. Gyda tharged o £500 maent eisoes wedi codi £330 tuag at yr achos.

Mae'r tîm yn derbyn rhoddion hyd at wythnos nesaf. Helpwch nhw i gyrraedd y targed yma - Fundraiser by Sophie Ho : Ysgol Y Grango Girl's Football Team (gofundme.com)