Commendation for Gwynedd South sergeant
Cynnwys y prif erthygl
Mae'r Rhingyll Simon Barlow wedi derbyn cymeradwyaeth Uwcharolygydd am ei ymroddiad i gymunedau De Gwynedd.
Y Rhingyll Barlow ydy rhingyll Tîm Plismona Cymdogaethau'r ardal ac mae'n rheoli tîm o Reolwyr y Rhawd Gymunedol a Swyddogion Cefnogi Cymuned yr Heddlu (SCCH).
Rhoddodd yr Uwcharolygydd Dros Dro Llinos Davies gymeradwyaeth i'r Rhingyll Barlow am ei ymroddiad, creadigrwydd a dyfeisgarwch diweddar er mwyn gwasanaethu'r cymunedau yn yr ardal.
Dywedodd yr Uwcharolygydd Dros Dro Llinos Davies: "Rwyf eisiau diolch i Simon a chydnabod ei frwdfrydedd a'i ymrwymiad i rôl Rhingyll Plismona Cymdogaethau.
"Mae'r Tîm yn chwarae rôl ganolog wrth warchod y cyhoedd ac atal trosedd ac anrhefn.
"Maent yn parhau i flaenoriaethu'r cymunedau maent yn eu gwasanaethu drwy weithio mewn partneriaeth, ymyrraeth gynnar, datrys problemau, ymgysylltu ac amlygrwydd cymunedol."
