Anogir trigolion i fod yn wyliadwrus ar ôl adroddiadau fyrgleriaethau yn Sir y Fflint a Sir Ddinbych

Rydym yn annog trigolion i fod yn wyliadwrus ar ôl adroddiadau diweddar am fyrgleriaethau mewn pentrefi gwledig yn Sir y Fflint a Sir Ddinbych.

Mae patrolau wedi cynyddu mewn ardaloedd hysbys ac mae swyddogion wedi bod hwnt ac yma yn codi ymwybyddiaeth am leihau'r risg o fyrgleriaethau. 

Mae byrgleriaid yn aml yn lladron bachog sy'n targedu tai a fflatiau. Maent yn chwilio am unrhyw wendid er mwyn manteisio arno, yn enwedig drysau a ffenestri sy'n cael eu gadael ar agor neu heb eu cloi neu sy'n hawdd eu hagor. 

Cynorthwywch gadw lladron allan drwy beidio rhoi lle cuddio iddynt a rhwystrwch fyrgleriaeth tynnu sylw: 

• Cloi bob drws a ffenest – hyd yn oed pan fyddwch adref.
• Gadael golau ymlaen – mae'n arwydd fod rhywun adref, neu defnyddiwch amserydd i roi'r argraff bod rhywun adref. Ystyriwch hefyd osod golau allan.
• Os ydych yn mynd i ffwrdd, peidiwch â hysbysebu ar y cyfryngau cymdeithasol – gall hyn ddangos i ladron fod eich tŷ’n wag.
• Defnyddiwch ataliadau a diogelwch amlwg – mae camerâu amlwg neu hyd yn oed sticer yn dweud bod camerâu ar waith yn syniad. Mae llawer o ladron yn tueddu osgoi tai lle mae larwm wedi'i osod.
• Cadwch bethau gwerthfawr allan o'r golwg a pheidiwch â gadael bocsys eitemau drud tu allan i'ch eiddo.
• Peidiwch â gadael eich allweddi o dan fatiau drws – dyma'r lle cyntaf mae lleidr yn debygol o edrych.

Dywedodd y Ditectif Arolygydd Kris Williams: "Mae dioddef byrgleriaeth yn eich cartref yn ymyriad personol. Rydym yn deall yr effaith sylweddol mae hyn yn ei gael ar ddioddefwyr.

⁠"Mae ein swyddogion wedi bod yn gweithio'n galed o fewn eu cymunedau er mwyn mynd ati i leihau'r math hwn o drosedd, drwy ymweld â thrigolion a'u gwneud yn ymwybodol o'r bygythiadau. Fe'u cynorthwyir hefyd i wneud eu heiddo’n llai deniadol i droseddwyr."

Er mwyn lleihau troseddau caffael ymhellach a gwella diogelwch yn ein cymunedau, rydym newydd lansio'r fenter "Dangos y Drws i Drosedd".

Am fwy o wybodaeth, ewch ar ein gwefan yma – Dangos y Drws i Drosedd | Heddlu Gogledd Cymru

Os ydych yn gweld unrhyw un amheus yn eich ardal, gallwch ein hysbysu ni drwy'r sgwrs we fyw neu drwy ffonio 101.

Am fwy o wybodaeth am atal trosedd, ewch ar ein gwefan yma: Cadwch ladron allan o'ch eiddo | Heddlu Gogledd Cymru

Am y wybodaeth ddiweddaraf am drosedd, digwyddiadau, cyngor a gweithgarwch plismona cyffredinol yn eich ardal leol, cofrestrwch am Rybuddion Cymunedol Gogledd Cymru yma: Cofrestrwch – Rhybudd Cymunedol Gogledd Cymru