Grant PACT wedi'i ddyfarnu i Enfysau a Brownis Dolgellau

Yn ystod mis Mehefin, bu Enfysau a Brownis Dolgellau mewn digwyddiadau codi sbwriel yn y parc ac ar y Marian yn Nolgellau. Roedd hyn er mwyn hyrwyddo amgylchfyd glân a thaclus a chynorthwyo eu cymuned leol, a wnaeth werthfawrogi eu hymdrechion yn fawr.

Er mwyn diolch iddynt am eu gwaith caled er mwyn gwella eu cymuned, aeth SCCH Gareth Jones i weld Enfysau 1af Dolgellau yr wythnos ddiwethaf er mwyn rhoi siec am £150 iddynt gan PACT er mwyn cynorthwyo ariannu prosiectau pellach yn y gymuned.

Roeddem wedi'n taro gan frwdfrydedd pawb i gymryd rhan mewn codi sbwriel yn y gymuned a da iawn i bawb!

Dywedodd Dave Evans, Rheolwr Prosiectau PACT: "Rwyf yn hynod falch fod PACT wedi gallu cynorthwyo SCCH Gareth a'i waith gyda phobl ifanc yn Nolgellau. Da iawn i bawb a gymerodd ran yn y codi sbwriel.

Un o amcanion cronfa Ymddiriedolaeth Heddlu Gogledd Cymru a'r Gymuned (PACT) ydy hyrwyddo ymgysylltu cymunedol. Dylai unrhyw sefydliad sy'n dymuno gwneud cais am grant gysylltu â'u Tîm Plismona Cymdogaethau lleol a all eu cynghori a'u cynorthwyo nhw."