Carcharu dyn o Sir y Fflint am droseddau cyffuriau

Mae dyn 32 oed wedi'i garcharu am lu o droseddau cyffuriau.

Ymddangosodd Damien Richard Burt o Dan y Bryn, Bwcle ger bron Llys y Goron yr Wyddgrug ar ddydd Mercher 19 Gorffennaf, ar ôl pledio'n euog i dri achos o feddu gyda bwriad i gyflenwi cyffuriau Dosbarth A ac un achos o fod ynghylch cyflenwi cyffuriau Dosbarth A. 

Derbyniodd ddedfryd o dair blynedd a phedwar mis yn y carchar.

Dywedodd y Prif Arolygydd Emma Parry: "Rwyf yn hynod falch o dîm De Sir y Fflint, o dan arweiniad yr Arolygydd Iwan Jones, am y gwaith caled, dycnwch ac ymroddiad sydd wedi mynd i greu achos argyhoeddiadol i'w gyflwyno i'r llys, sydd yn amlwg wedi talu ar ei ganfed.

"Fodd bynnag, nid yn unig mae'r canlyniad hwn yn dystiolaeth o waith caled ac ymroddiad y swyddogion, ond hefyd y cymorth rydym yn eu derbyn gan y cyhoedd sy'n cynorthwyo'n fawr wrth ymdrin â'r drosedd hon sydd yn cael cymaint o effaith niweidiol ar fywydau pobl.

"Nid ydym yn goddef defnyddio cyffuriau anghyfreithlon o gwbl o fewn ein cymuned. Rydym yn gobeithio bydd y ddedfryd hon yn anfon neges gref y gwnawn barhau ymlid unrhyw un sy'n bwriadu cymryd rhan mewn gweithgarwch troseddol.

"Buaswn yn gofyn i unrhyw un sydd ag unrhyw wybodaeth ynghylch pwy sy'n cyflenwi neu'n gwerthu cyffuriau yn eu hardal i gysylltu â ni fel y gallwn weithredu. Gwnawn barhau ceisio gwneud Gogledd Cymru'r lle mwyaf diogel i fyw, gweithio ac ymweld yn y DU."