Main grant awarded to help victims of domestic abuse

Mae grant o £2000 wedi'i rhoi i Swyddogion Cam-drin Domestig yng Ngorllewin yr heddlu er mwyn prynu offer diogelwch a ffonau symudol i ddioddefwyr cam-drin domestig.

Rhoddwyd yr arian gan Ymddiriedolaeth Heddlu Gogledd Cymru a'r Gymuned sy'n rhoi arian i brosiectau sy'n lleihau trosedd a gwella ansawdd bywyd cymunedau Gogledd Cymru.

Gyda'r arian, mae swyddogion wedi prynu eitemau diogelwch a ellir eu rhoi i ddioddefwyr cam-drin domestig risg uchel er mwyn rhoi sicrwydd a'u cynorthwyo nhw deimlo'n fwy diogel yn eu cartrefi.

Bydd yr offer yn gwneud cartrefi'n fwy diogel drwy osod drws arbenigol a chloeon ffenestri, larymau tresmaswyr ac mewn rhai achosion, CCC. Mae eitemau pellach ar gael rŵan gan gynnwys ffonau symudol, larymau diogelwch personol a thortshis. 

Dywedodd PC Ellen Love, y Swyddog Cam-drin Domestig: "Rydym yn ddiolchgar am y cyllid a roddwyd gan PACT a fydd yn gadael i ni wella'r gwasanaeth ar gael i ddioddefwyr cam-drin domestig. 

"Ein nod yw sicrhau bod dioddefwyr yn teimlo fel eu bod yn cael cefnogaeth lawn gennym ni. Bydd yr offer hwn yn mynd yn bell wrth gynorthwyo dioddefwyr deimlo'n fwy diogel yn eu cartrefi, pan maent allan a rhoi'r sicrwydd iddynt y gallent gysylltu â ni os ydynt ein hangen ni.”

Dywedodd Dave Evans, Rheolwr PACT: "Rydym yn falch o allu cynorthwyo PC Love a'i chydweithwyr gyda menter mor werth chweil a wnaiff gynorthwyo dioddefwyr ledled Gwynedd a Môn."

⁠Mae cynorthwyo dioddefwyr cam-drin a thrais domestig yn parhau i fod yn flaenoriaeth i Heddlu Gogledd Cymru. Os oes gennych unrhyw bryderon am gam-drin domestig, cysylltwch â'r heddlu'n uniongyrchol neu ceisiwch gymorth gan Fyw Heb Ofn.

Cewch wybod mwy am PACT ar www.pactnorthwales.co.uk