Man jailed for nine years following knife attack

 

Mae dyn 19 oed wedi cael ei garcharu am naw mlynedd yn dilyn trywanu yng Nghaergybi.

Ymddangosodd James Rees o Gae Ysgubor, Bae Trearddur yn Llys y Goron, Caernarfon heddiw wedi ei gyhuddo o niwed corfforol difrifol gyda'r bwriad i anafu a bod ag arf peryglus mewn lle cyhoeddus.

Yn dilyn ymosodiad difrifol heb ei brofocio gyda chyllell gan Rees ar 7 Ionawr^⁠ 2022, mae'r dioddefwr yn ystyried ei hun yn lwcus iawn o fod wedi goroesi. Roedd yn ddiolchgar am gymorth ei ffrind yn y fan a'r lle a'r llawdriniaeth a gafodd yn Ysbyty Gwynedd.

Dywedodd Ditectif Gwnstabl Leslie Ellis:   “Mae hyn yn rhoi neges glir i'r rhai sy'n cario cyllyll ar y strydoedd yng Ngogledd Cymru ac mae hyd y ddedfryd yn adlewyrchu'r hyn sydd i'w ddisgwyl i rai sy'n torri'r gyfraith yn y modd hwn.  Mae'n ffodus na chollodd neb eu bywyd oherwydd mi allai'r ddedfryd wedi bod yn llawer mwy difrifol.

“Cydymdeimlaf gyda'r dioddefwr a'i deulu a gobeithio eu bod yn fodlon gyda'r canlyniad heddiw."

Fe'i dedfrydwyd am naw mlynedd o garchar. Derbyniodd orchymyn atal amhenodol.

Dywedodd Arolygydd Adam Sergeant: “Mae cario cyllell a'i ddefnyddio mewn ffordd fel hyn yn gallu achosi niwed difrifol i bawb.  Bu bron i'r dyn ifanc yma golli ei fywyd; dim ond diolch i'w ffrind a'r staff yn Ysbyty Gwynedd y llwyddodd i oroesi. 

“Croesawir y ddedfryd heddiw; dylai pobl sy'n cario cyllyll a'u defnyddio yn y ffordd yma gael eu clou yn y ddalfa er mwyn iddynt gael adlewyrchu ar eu hymddygiad."

Mae Heddlu Gogledd Cymru wedi ymroi i daclo troseddau treisgar, a byddwn yn rhoi blaenoriaeth i ddigwyddiadau fel hyn.