Dedfryd oes i ddyn a gyfaddefodd i ddau ymgais i lofruddio
Cynnwys y prif erthygl
Mae dyn 27 oed wedi cael ei ddedfrydu i oes o garchar am geisio llofruddio dau berson ym mis Mai eleni.
Dywedodd yr Ei Anrhydedd yr Ustus Griffiths yn Llys y Goron yr Wyddgrug y bore 'ma y bydd yn rhaid i Ryan Wyn Jones o ardal Corwen y bydd yn rhaid iddo aros yn y carchar am o leiaf 20 mlynedd. Cafodd ei ddedfrydu hefyd am ddwy flynedd am ymosod, a chwe mis am fod ag arf miniog mewn lle cyhoeddus. Bydd y ddau dedfryd yn rhedeg ar y cyd:
Gadawodd Jones y dioddefwyr yn ymladd am eu bywydau ar ôl ymosodiad "creulon a pharhaus o dan ddylanwad cocên" gan adael cyllell ym mhen un ohonynt.
Meddai Ditectif Brif Arolygydd Myfanwy Kirkwood wedi'r ddedfryd: "Rydym yn croesawu'r ddedfryd gan Ei Anrhydedd yr Ustus Griffiths heddiw.
Roedd troseddau Ryan Wyn Jones yn erchyll ac ni ddylai neb ddioddef troseddau mor erchyll â hyn.
"Mi ddylai'r dioddefwyr fod wedi teimlo'n ddiogel yn eu cartref ac oni bai i blentyn chwilio am help mi fuasai'r canlyniad wedi bod yn wahanol iawn.
Bydd gweithredoedd Ryan Jones yn cael effaith hirdymor ar ei ddioddefwyr ac rwyf yn eu canmol am ddod ymlaen i chwilio am gyfiawnder."
Mae Heddlu Gogledd Cymru wedi ymroi i daclo troseddau treisgar, a byddwn yn rhoi blaenoriaeth i ddigwyddiadau fel hyn. Gellir cysylltu â Byw Heb Ofn ar 0808 801 0800