Swyddogion Gwynedd yn parhau i ymweld â safleoedd trwyddedig yn dilyn ymgyrchoedd llwyddiannus i chwilio am gyffuriau

Mae swyddogion De Gwynedd yn parhau i weithio gyda safleoedd trwyddedig i daclo’r defnydd o gyffuriau mewn toiledau dros gyfnod yr Ŵyl.

Defnyddiwyd offer arbennig i brofi arwynebau mewn toiledau mewn safleoedd trwyddedig yn y Bala, Bryncrug, Tywyn ac Aberdyfi. Yr wythnos hon, cafwyd hyd mewn 11 o 12 safle ganlyniad positif o gocên, yn cynnwys canlyniadau positif mewn toiledau anabl a safleoedd newid babis.

Bydd ymweliadau pellach yn digwydd ar draws De Gwynedd yn ystod yr wythnosau nesaf.

Dywedodd Rhingyll Tîm Plismona’r Gymuned Simon Barlow: “Diolch i berchnogion y safleoedd trwyddedig am eu cefnogaeth a byddwn yn parhau i weithio gyda nhw er mwyn sicrhau bod yr economi nos yn ddiogel yn Ne Gwynedd.

“Gofynnwn i unrhyw un gyda gwybodaeth ynglŷn â chyffuriau yn eu hardal leol i’w riportio i’r heddlu neu yn ddienw drwy CrimeStoppers.”

Dylai unrhyw un sy’n poeni am gyffuriau yn eu hardal gysylltu â ni drwy ein gwefan neu drwy alw 101 yn ddienw drwy Crimestoppers.