Apêl am dystion i wrthdrawiad angheuol ar y ffyrdd
Cynnwys y prif erthygl
Mae swyddogion sy'n ymchwilio gwrthdrawiad traffig ffordd lle fu farw dyn yn anffodus yn apelio am dystion.
Cawsom ein galw am 6.38pm neithiwr (Dydd Sadwrn 2 Rhagfyr) gan gydweithwyr o'r Gwasanaeth Ambiwlans i adroddiadau am wrthdrawiad traffig ffordd rhwng car a beic modur ar yr A539 ger y Sun Trevor, tu allan i Langollen.
Fe wnaeth swyddogion lleol a chydweithwyr o'r Uned Troseddau Ffyrdd ymateb ynghyd â pharafeddygon. Ond yn anffodus, bu farw'r beiciwr modur. Roedd y ffordd ar gau tan oddeutu 2.20am.
Mae teulu'r dyn a'r crwner lleol wedi cael gwybod.
Dywedodd PC Jo Roberts o’r Uned Plismona Ffyrdd: "'Da ni'n apelio am unrhyw dystion, yn enwedig y rhai hynny hefo camera corff, i gysylltu hefo ni un ai drwy ein sgwrs we fyw neu ar 101. 'Da ni'n awyddus iawn siarad â gyrrwr fan-car wen, efallai welodd y digwyddiad."
Dylai unrhyw un a oedd yn yr ardal ar y pryd, a allai helpu ein hymchwiliad gysylltu gan ddyfynnu cyfeirnod A190186.