Prif Gwnstabl yn cymryd yr awenau ar gyfer Cymdeithas Merched mewn Plismona Prydain
Cynnwys y prif erthygl
Mae un Prif Gwnstabl arloesol yn olynu un arall er mwyn arwain Cymdeithas Merched mewn Plismona Prydain (BAWP).
Bydd Amanda Blakeman, y ferch gyntaf i fod yn Brif Gwnstabl Gogledd Cymru, yn olynu Michelle Skeer, Prif Gwnstabl Cumbria sy'n ymddeol, fel cadeirydd. Michelle Skeer oedd y ferch gyntaf i fod yn Brif Gwnstabl yno pan gafodd ei phenodi'n 2018.
Dywedodd Amanda: “Dwi'n falch iawn o gael fy newis yn Gadeirydd BAWP sy'n gwneud cymaint er mwyn cynorthwyo merched o bob rheng mewn plismona ledled y DU.
"Mae Michelle wedi gwneud gwaith gwych yn ystod cyfnod heriol i blismona.
“Mae hi wedi bod yn esiampl wych i ferched ar draws plismona. Dwi'n edrych ymlaen at weithio hefo’r Bwrdd er mwyn ychwanegu at ei holl waith ac arweinyddiaeth wych.
"Buaswn i'n hoffi mynegi fy niolch cywiraf i Michelle am ei gwaith gyda'r Gymdeithas. Dwi'n dymuno'r gorau oll iddi i'r dyfodol."