Gwirfoddolwr gyda Heddlu Gogledd Cymru yn ennill gwobr am ei gyfraniad arbennig i blismona
Cynnwys y prif erthygl
Mae gwirfoddolwr gyda Heddlu Gogledd Cymru wedi ennill gwobr am ei chyfraniad i blismona mewn seremoni wobrwyo genedlaethol ar gyfer gwirfoddolwyr yr heddlu.
Enillodd Helen Lacey ‘ Wobr Gwirfoddoli Mewn Partneriaeth’ yng Ngwobrwyon yr Arglwydd Ferrers am ei gwaith yn cefnogi cymunedau gyda throseddau yn ymwneud â cheffylau a throseddau cefn gwlad yng nghymunedau gwledig yn y gogledd.
Mae'r wobr yn cydnabod gwirfoddolwyr sydd wedi dangos cyfraniad sylweddol i weithio gydag eraill mewn partneriaeth er lles eu cymunedau.
Y Swyddfa Gartref sy'n trefnu'r seremoni yn flynyddol ac fe'i chynhelir yn Lancaster House yn Llundain er mwyn dathlu swyddogion gwirfoddol a gwirfoddolwyr eraill sy'n cynorthwyo plismona.
Cyflwynwyd y gwobrau gan y Gweinidog Plismona Jeremy Quinn a'r Ysgrifennydd Parhaol Mathew Rycroft.
Dywedodd Dirprwy Brif Gwnstabl Heddlu Gogledd Cymru Richard Debicki: “Llongyfarchiadau i Helen sydd wedi derbyn Gwobr yr Arglwydd Ferrers am ei gwaith rhagorol yn ein cymunedau yn atal troseddau ac yn helpu dioddefwyr mewn ffyrdd dyfeisgar, mae'n haeddu cydnabyddiaeth yng Ngwobrau'r Arglwydd Ferrer.
“Mae gwirfoddolwyr yr heddlu yn aelodau gwerthfawr o'r gymuned blismona ac rwyf yn diolch i Helen am y gwahaniaeth mae wedi gwneud yma yng Ngogledd Cymru."
Ychwanegodd Cydlynydd Plismona Dinasyddion mewn Plismona, Poppy Hadfield-Jones: “Mae Helen yn wirfoddolwr ymroddgar, dyfeisgar a rhagorol.
“Mae Helen yn rhoi gwasanaeth ardderchog i'r cymunedau gwledig ac i'r maes ceffylau ar draws y gogledd. Hi yw canolbwynt Gwarchod Ceffylau ac mae hi yno ble mae'r gymuned ei hangen hi fwyaf.
“Dro ar ôl tro mae Helen wedi gwneud gwahaniaeth ac rwyf yn falch iawn ohoni ac mae'n enillydd teilwng o Wobr yr Arglwydd Ferrers am Wirfoddoli Mewn Partneriaeth.
Ar ôl derbyn y wobr, dywedodd Helen Lacey, sydd hefyd yn gydlynydd elusen Cynllun Gwarchod Ceffylau Gogledd Cymru: “Roedd hi'n anrhydedd derbyn y wobr hon, sy'n cydnabod fy ngwaith yn cefnogi cymunedau yng Ngogledd Cymru a Heddlu Gogledd Cymru."
Ewch i wefan Cynllun Gwarchod Ceffylau Gogledd Cymru i gael rhagor o wybodaeth: Home (northwaleshorsewatch.co.uk)