Warning over Facebook Marketplace fraud

Wrth i'r Nadolig nesáu mae Heddlu Gogledd Cymru yn rhybuddio'r cyhoedd bod cynnydd mawr o dwyll yn digwydd wrth brynu a gwerthu ar Facebook.

Dros y penwythnos mae pobl wedi riportio colled o £4270 dros gyfnod o ddwy flynedd.  Mae'r adroddiadau yn cynnwys pobl yn talu blaendaliadau mawr neu daliadau llawn i gyfrif banciau amheus, ar gyfer nwyddau nad ydynt yn eu derbyn. Mewn un digwyddiad rhoddwyd blaendal mawr ar gyfer eitem a phan aeth y dioddefwr at y cyfeiriad i'w gasglu doedd y bobl oedrannus a oedd yn byw yn y tŷ ddim yn ymwybodol o'r peth o gwbl gan adael y dioddefwr yn waglaw.

Maent hefyd wedi cael gwybod gan broses ymgynghorol ddwys hefyd.  Daeth twyllwyr i dŷ

dioddefwr i gasglu eitem yn honni eu bod wedi talu drwy ap bancio ar-lein. Rhoddwyd yr eitem i'r twyllwyr ond ni dderbyniwyd arian gan fod yr ap bancio yn un ffug.

Y neges yw byddwch yn ofalus wrth ddefnyddio Facebook Marketplace gan nad oes siawns i chi gael eich digolledi os collwch eich arian.  Pan fyddwch yn prynu nwyddau ceisiwch eu prynu wyneb yn wyneb gan ddefnyddio arian parod neu wasanaeth talu fel PayPal lle ceir lefel o ddiogelwch. 

Os oes angen i chi riportio unrhyw dwyll, cysylltwch â Facebook i riportio'r cyfrif, y wefan Action Fraud, gwefan Heddlu Gogledd Cymru neu drwy ffonio 101.