Members of County Lines drugs gang sentenced to 30 years

Cafodd aelodau o gang Llinellau Cyffuriau Sir y Fflint eu dedfrydu i 30 mlynedd yn y carchar.

Carcharwyd naw yn Llys y Goron, Caernarfon ar ôl cyfaddef i gynllwynio i gyflenwi cyffuriau Dosbarth A.

Mae hyn yn dilyn Ymgyrch Blue Magnitude, ymgyrch ar y cyd rhwng Heddlu Gogledd Cymru ac Uned Troseddau Trefnedig Rhanbarthol y Gogledd Orllewin (NWROCU) i atal cyflenwi cyffuriau Dosbarth A yng Nglannau Dyfrdwy.

Fel rhan o'r ymgyrch, gwnaed sawl cyrch mewn cyfeiriadau yng Nghei Connah, Shotton, Garden City a Queensferry yn gynharach ym mis Mehefin, a wnaeth arwain at atafaelu cyffuriau Dosbarth A ac arian.

Dywedodd Uwch Swyddog Ymchwilio, DI Mark Hughes: “Mae'r dedfrydau hyn yn ganlyniad ymchwiliad chwe mis gan swyddogion Gogledd Cymru ac Uned Troseddau Trefnedig Rhanbarthol y Gogledd Orllewin (NWROCU).

"Mae'r ymchwiliad wedi rhoi cudd-wybodaeth werthfawr ar sut y mae'r gangiau hyn y gweithredu a bydd yn ein galluogi ni i barhau i darfu ar rwydweithiau sy'n delio â chyffuriau yng Ngogledd Cymru a thu hwnt.

“Mae'r dedfrydau hyn yn dangos ein hymrwymiad i atal cyflenwad cyffuriau Llinellau Cyffuriau i Ogledd Cymru a dylai atal unrhyw un sy'n ystyried ymwneud â chyffuriau anghyfreithiol.

"Mae hefyd yn anfon neges glir i Grwpiau Troseddau Trefnedig na wnawn oddef cyflenwi cyffuriau yng Ngogledd Cymru, a gall y rhai sy'n gwneud hynny ddisgwyl cosbau llym pan fyddant yn cael eu dal.

“Bydd taclo cyflenwad cyffuriau yn flaenoriaeth i Heddlu Gogledd Cymru a gobeithiaf y bydd y dedfrydau hyn yn tawelu meddyliau'r cyhoedd."

 

Mae manylion pawb a ddedfrydwyd i'w gweld isod, ynghyd â'u dedfrydau.

James Hill, 22, o Partington Avenue, Bootle (3 blynedd, 3 mis)

Harry Gray, 19, o Kingswood Boulevard, Higher Bebington (3 blynedd, 9 mis)

Peter Bevan, 38, o Pen Y Llan Street, Cei Conna (3 blynedd)

Dean Ashfield, 23 o Central Drive, Shotton (3 blynedd, 11 mis)

Charlotte Holly Johnson, 37, o Riverside Park, Garden City (2 flynedd, 2 fis)

Chad Stagg, 26, o Chester Road West, Queensferry (1 flwyddyn, 10 mis)

Lee Edwards, 27, o Riverside Park, Garden City (4 blynedd)

Liam Wignall, 30 o Nequay Close, Brookvale, Runcorn (3 blynedd, 8 mis)

Nathan Higgins, 30, o East Parade, y Rhyl (3 blynedd, 8 mis)

 

(Llun,o'r chwith i'r dde: James Hill, Chad Stagg, Charlotte Holly Johnson, Harry Gray, Dean Ashfield, Lee Edwards, Liam Wignall, Nathan Higgins, Peter Bevan)