Dyn yn gael ei chŵn tynny o'i ofal ar ôl torri rhybudd diogelu cymunedol

Cafodd cŵn dyn eu tynnu oddi arno yn dilyn sawl cwyn gan drigolion am flynyddoedd amdanynt yn baeddu ac yn crwydro heb neb hefo nhw.

Ymddangosodd Michael Roberts, o Jubilee Court, Bwcle, ger bron Llys Ynadon yr Wyddgrug ddydd Llun, lle dywedwyd wrtho y byddai ei gŵn yn cael eu tynnu o'i ofal a'u hailgartrefu.

Roedd y dyn 76 oed wedi methu cydymffurfio gyda hysbysiad gwarchod cymunedol, a osodwyd ym mis Ionawr 2021.

Fodd bynnag, ar ddau achlysur ym mis Tachwedd llynedd, torrwyd y gorchymyn pan wnaeth Roberts fethu sicrhau fod ei gŵn ar dennyn priodol mewn man cyhoeddus i'w hatal rhag crwydro'r strydoedd.

Roedd hefyd wedi methu penffrwyno ei gŵn mewn man cyhoeddus. Methodd godi baw ei gŵn, a methodd sicrhau fod y cŵn ym mhresenoldeb rhywun priodol tra roeddent yn gyhoeddus.

Gorchmynnodd y llys iddo dalu dirwy o £80 am dorri'r hysbysiad, ynghyd â chostau o £200.

Dywedodd PC Natalie Williams o Dîm Plismona Cymdogaethau De Sir y Fflint: "Tra rydym yn deall yr effaith gall y canlyniad hwn gael ei gael ar y diffynnydd, mae wedi cymryd llawer o amser a gwaith i gyflawni'r canlyniad iawn yn yr achos hwn, er diogelwch y gymuned leol a llesiant y cŵn. Nid ydy'r penderfyniadau hyn yn hawdd. Rydym yn diolch i'r gymuned a Chyngor Sir y Fflint am eu cydweithrediad a'u cymorth yn y mater hwn."