Pilot scheme launched to prevent crimes linked to debt

Lansiwyd cynllun peilot ym Mangor a Chaernarfon  mewn partneriaeth gydag elusen CAP (Christians Against Poverty).

Elusen yw CAP sy'n rhoi cyngor proffesiynol ar reoli dyled a dyma'r unig wasanaeth sy'n gwneud hyn yn lleol. Mae eu grwpiau cymunedol yn cynnig help gyda rheoli arian, torri arferion drwg a chanfod gwaith. Nid yw eu gwasanaeth yn gyfyngedig i Gristnogion ac mae yno i unrhyw un sydd angen cymorth i fod yn rhydd o ddyled.

Rydym yn cydnabod y gall pobl sy'n fregus yn ariannol droseddu mewn ymgais i dalu dyledion. Mae hyn yn eu gwneud yn fregus ac yn darged i fenthycwyr arian anghyfreithiol sy’n disgwyl iddynt dalu symiau mawr yn ôl.

Drwy weithio mewn partneriaeth gyda CAP, mae gennym gyfle i gefnogi rhai sy'n troseddi'n barhaus i dorri'r cylch dieflig, gan helpu lleihau troseddu yn yr ardal.

Dywedodd Rhingyll Arwel Hughes: “Rydym yn hapus i weithio mewn partneriaeth gyda Christians Against Poverty gyda'r fenter er mwyn cefnogi’r rhai sydd mewn dyled a allai droseddu mewn ymgais i dalu eu dyledion.

“Drwy wneud hyn, byddwn yn lleihau troseddau yn yr ardal drwy atal yr amgylchiadau sy'n arwain at droseddu yn y lle cyntaf. Mae hyn yn lleihau'r galw ar yr heddlu, yn atal unigolion rhag cael cofnod troseddol ac yn creu amgylchedd mwy diogel yn y gymuned."

Os ydych yn chwilio am gymorth gyda rheoli eich dyledion gallwch gysylltu â CAP drwy alw 0800 328 0006 neu ewch i'r wefan.