Bwrdd Moeseg

Bwrdd Moeseg  

Mae Bwrdd Moeseg yn fforwm ar gyfer adolygiad annibynnol o faterion moesol yn yr heddlu. Mae'n helpu rhoi gwybodaeth i Heddlu Gogledd Cymru a'r Comisiynydd Heddlu a Throsedd 
(CHTh), a rhoi sicrwydd ehangach i'r cyhoedd. 

Moeseg yw'r egwyddor graidd y dylai swyddogion heddlu a staff weithio i wasanaethu'r cyhoedd.  Mae'r egwyddorion hyn yn ffurfio Cod Moeseg sy'n rheoli'r ffordd gywir i heddlu ymddwyn yn eu rôl. 

Mae gwaith y Bwrdd Moeseg yn cynnwys:  

• Ystyried dilemâu moesegol sydd wedi eu cyflwyno i'r bwrdd (yn ddienw os dymunir) a gwneud argymhellion i'r Prif Swyddogion a SCHTh.   

• Adnabod materion moesegol sy'n codi o fewn yr heddlu ac yna gweithredu'n briodol. 

• Hyrwyddo'r safonau uchaf o ymddygiad moesegol. 

• Gwneud argymhellion yng nghyswllt materion moesegol a dysgu cysylltiedig i hyrwyddo arfer da o fewn yr heddlu. 

• Bod yn ffynhonnell cymorth i fyrddau eraill a phob adran o'r heddlu ar faterion moesegol a sicrwydd moesegol.  

• Sicrhau cydymffurfiaeth â gwerthoedd sefydliadol. 

• Defnyddio Cod Moeseg Y Coleg Plismona  i gynorthwyo wrth wneud penderfyniadau.  

• Darparu gwiriadau sicrwydd moesegol i bolisïau newydd a diwygiedig HGC.  

• Rhoi sicrwydd moesegol a chysylltu hefo bwrdd diwylliant HGC.  

• Nodi cyfleoedd dysgu a/neu newid gweithrediad a chysylltu â grwpiau priodol o fewn HGC. 

• Cymryd rhan mewn cyfarfodydd Byrddau Moeseg cenedlaethol i rannu dysgu ac arfer da. 

Bydd gwaith y bwrdd yn cael ei arwain yn annibynnol gan y Cadeirydd Victoria Holbrook-Hughes gyda Phennaeth Cudd-wybodaeth Busnes HGC James Sutton fel Dirprwy Gadeirydd. 

Bydd gan 10 aelod arall o HGC aelodaeth ar y bwrdd, yn cynnwys cymysgedd o unigolion wedi eu dethol o swyddi gweithredol ac anweithredol. 

Bydd un aelod yn cael ei ddethol o Swyddfa'r Comisiynydd Heddlu a Throsedd. 

Bydd y bwrdd hefyd yn cynnwys 10 aelod allanol, yn cynnwys academydd uwch mewn maes perthnasol, tri aelod o Grŵp Ymgynghorol Annibynnol, un o Fwrdd Iechyd Prifysgol Betsi Cadwaladr. 

Ni fydd cyfarfodydd y Panel yn amodol ar ddeddfwriaeth i Fynediad Llywodraeth Leol ond yn amodol ar Ddeddf Rhyddid Gwybodaeth. Er mwyn sicrhau bod yn ddidwyll a thryloyw, bydd yr agenda a'r adroddiadau, sydd ddim o dan gyfyngiadau yn cael eu cyhoeddi yn dilyn y cyfarfod. Bydd adroddiad ffurfiol yn gosod canfyddiadau'r Panel yn cael ei gyflwyno i Gydbwyllgor Archwilio'r Heddlu.