Plismona Cudd-wybodaeth gan Ditectif Ringyll Paul Jones

 

Helo bawb. Fy enw i ydy Paul Jones. Fi ydy Ditectif Ringyll Uned Cudd-wybodaeth y Dwyrain.

Rwyf wedi bod yn swyddog heddlu am 20 mlynedd ac wedi gweithio mewn sawl adran o fewn y sefydliad.

Dros y pedair wythnos nesaf, rwyf yn mynd i roi cip tu ôl i'r llenni i chi ar yr hyn rydym yn ei wneud a'r hyn rydym wedi bod yn ei wneud. 

 

Gadewch i mi ddechrau drwy egluro beth rydyn ni'n ei wneud yn Uned Cudd-wybodaeth y Dwyrain.

Wel, mae'r Uned yn dîm o bump a ‘da ni’n gweithio gyda CID, ynghyd â swyddogion ymateb a thimau plismona cymdogaethau. 

Rydym yn gweithio'n agos hefo sawl adran o fewn y sefydliad, gan gynnwys yr Adran Ymchwiliadau Troseddol (CID).

Mae'r rhan fwyaf o bobl yn meddwl fod CID yn sefyll am 'Coppers in Disguise'. Weithiau mae felly. Maen nhw’n swyddogion cyffredin sy'n ymdrin â phob math o droseddau – o fyrgleriaethau, ymosodiadau a lladradau i enwi ond rhai.

Gyda'n gilydd, ‘da ni’n rheoli adroddiadau o fygythiad, risg a niwed. Gall yr adroddiadau yma amrywio o gyflenwi cyffuriau yn y gymuned i wybodaeth fod rhywun yn cario cyllell yn rheolaidd. 

Mae unedau cudd-wybodaeth yn y canolbwynt cyfathrebu'r heddlu, ynghyd ag unedau arbenigol eraill fel Uned Plismona'r Ffyrdd a'r Tim Rhywstro. Rydym yn adrodd yn ôl yn ddyddiol i swyddogion i'w diweddaru gyda'r wybodaeth ddiweddaraf.

Drwy ymuno â'r cysylltiadau yn y gadwyn, mae hyn i gyd yn helpu i leoli, adnabod, ac arestio pobl hysbys ac anhysbys.

Cofiwch – Gogledd Cymru yw un o'r llefydd mwyaf diogel i fyw yn y DU. Yn ffodus, prin iawn ydy'r rhain.

 

Mae ein Hyb Atal yn anelu edrych am gyfleoedd i stopio mwy o bobl ddioddef trosedd.

Mae fy staff i’n gweithio'n galed bob dydd er mwyn casglu'r holl wybodaeth ac ystadegau fel y gallwn ni gyfeirio'r ardaloedd plismona mewn ffordd fwy effeithlon a chynhyrchiol.

Mae hyn yn gwneud yn siŵr fod ein swyddogion yn y fan a'r lle gyda gwybodaeth lawn a darlun clir o unrhyw broblemau yn eu hardaloedd.

Un arall o fy jobsys bob dydd ydy cysylltu gyda'r Tîm Diogelwch Cymunedol, un cangen o'r Hyb Atal.

Yn ddiweddar, cefais fy ngwahodd i gyfarfod ag adran Safonau Masnach Cyngor Wrecsam fel rhan o ymgyrch i gosbi masnachwyr twyllodrus yn Wrecsam yn dilyn adroddiadau diweddar yn yr ardal.

Er mwyn helpu gyda'r ymgyrch, roedd fy nhîm yn brysur yn ymchwilio i ddigwyddiadau blaenorol yn ardal Wrecsam i gynhyrchu dogfen friffio ar gyfer yr holl swyddogion dan sylw.

Roedd rhai o'r adroddiadau'n peri pryder rhaid dweud. Mae rhai trigolion oedrannus wedi'u sarhau ar lafar gan y gwerthwyr digywilydd hyn am ond dweud 'dim diolch'.

‘Da ni hefyd wedi derbyn gwybodaeth fod y gwerthwyr hyn bellach yn derbyn cardiau debyd / credyd fel taliad. Hoffwn i atgoffa'r cyhoedd y buaswn yn eich cynghori i BEIDIO rhoi eich manylion chi i unrhyw un.

Buaswn i’n awgrymu'n gryf hefyd eich bod chi’n PEIDIO gadael unrhyw un i'ch cartref os nad ydych yn eu hadnabod nhw. 

Mae hon yn broblem ledled y wlad, ac mae twyll a throseddau seiber yn rhywbeth mae HGC yn ei gymryd o ddifrif. 

Gwelodd y ymgyrch swyddogion allan ar batrôl yn rhoi cyngor i drigolion am beryglon defnyddio masnachwyr twyllodrus. Roedd y Tîm Rhwystro allan hefyd yn atal faniau er mwyn cydymffurfio.

 

Roedd Safonau Masnach hefyd yn rhoi cyngor i fasnachwyr ynglŷn â sut i gwblhau'r dogfennau a'r rheolau cywir dros y 'cyfnod o oeri'. Oeddech chi'n gwybod mai £42 yn unig yw gwerth mwyaf y gwaith 'yn y fan a'r lle'?

Gallai unrhyw un sy'n ceisio codi mwy arnoch fod yn cyflawni trosedd a dylech siarad â Llinell Gymorth Gwasanaeth Defnyddwyr Cyngor ar Bopeth ar 03454 04 05 06.

Gallwch darllen mwy am ym ymgyrch yma - Bu ymgyrch i gosbi masnachwyr twyllodrus yn Wrecsam | Heddlu Gogledd Cymru (northwales.police.uk)

 

Chwaraeodd Clwb Pêl-droed Wrecsam oddi cartref yr wythnos hon. Diolch byth, aeth y gêm gartref heb fawr o broblemau ac mae wedi cael y ddinas gyfan yn siarad am bêl-droed - a'r Paul Mullin enwog. Mae'n rhaid ei fod o'n dda efo enw fel Paul!

Yn anffodus, doedd hi ddim i fod, ac yn iawn ar y funud olaf, mae Wrecsam allan o Gwpan yr FA! Ond, da iawn i'r tîm a'r cefnogwyr a wnaeth y daith i Sheffield.

Roedd ein Swyddog Pêl-droed Penodol Dave Evans a Swyddog Lee Parker yn bresennol, ac ar wahân i un cefnogwr o Wrecsam yn tanio fflangellu, roedd pawb mewn hwyliau da er gwaethaf y canlyniad.

 

Byddwch yn ddiogel ac os oes rhywun yn niweidio eich cymuned, ffoniwch ni.

Tan yr wythnos nesaf, diolch.

Paul.